બેઠક / દિલ્હીમાં ગુજરાત કોંગ્રેસની મેરેથોન બેઠક મળી: 182 બેઠક માટેના ઉમેદવારોના નામની થશે ચર્ચા, પ્રથમ યાદી થઈ શકે જાહેર

• ગુજરાત કોંગ્રેસ નેતાઓના દિલ્હીમાં ધામા
• દિલ્લીમાં કોંગ્રેસની સ્ક્રિનિંગ કમિટીની મેરેથોન બેઠક
• 182 બેઠક માટેના ઉમેદવારોના નામની થશે ચર્ચા

વિધાનસભાની ચૂંટણી જાહેરાતની કાઉન્ટ ડાઉન શરૂ થયો છે ત્યારે ભાજપ, કોંગ્રેસ અને આમ આદમી પાર્ટીના કમર કસી રહ્યા છે અને વિવિધ રૂપે તૈયારી દાખવી રહ્યા છે. ત્રણયે પક્ષના નેતાઓના અરસ-પરસ ગુજરાત અને દિલ્હીમાં આંટા ફેરા શરૂ થઈ ગયા 
છે તેમજ કાર્યલયો પર બેઠકોના દોર પણ શરૂ થઈ ગયા છે. ગુજરાત વિધાનસભાની ચૂંટણીને લઈ કોંગ્રેસે મહામંથનની મેરેથોન બેઠકોનો ધમધમાટ શરી કરી દીધા છે. ગુજરાત પ્રદેશ કોંગ્રેસ નેતાઓના ત્રણ દિવસ માટે  દિલ્હીમાં ધામા છે. જ્યા વિધાનસભાની 182 બેઠકના ઉમેદવારોની ચર્ચા કરવામાં આવી છે. 

દિલ્હીમાં કોંગ્રેસની મેરેથોન બેઠક
ગુજરાત વિધાનસભા ચૂંટણીને લઈ દિલ્હીમાં કોંગ્રેસની સ્ક્રિનિંગ કમિટીની બેઠક મળી છે. આ મેરેથોન બેઠક તારીખ 18થી 21 ઓક્ટોબર સુધી ચાલવાની છે. મેરેથોન બેઠકને લઈ ગુજરાત કોંગ્રેસના સિનિયર નેતાઓ દિલ્હી ગયા છે. જે બેઠકોમાં સ્ક્રિનિગ કમિટીના ચેરમેન રમેશ ચેન્નિથલામી આગેવાની થઈ રહી છે. કોંગ્રેસ વોર રૂમમાં ત્રણ દિવસ બેઠકોનો ધમધમટ ચાલશે. દિવાળી બાદ ગુજરાતમાં કોંગ્રેસ ઉમેદવારોની પ્રથમ યાદી પણ જાહેર કરશે.

બેઠકોમાં શું થશે ચર્ચા
ગુજરાતના પ્રેદશ નેતાઓની દિલ્હીમાં મેરેથોનમાં વિધાસભાની ચૂંટણીલક્ષી તૈયારીની ચર્ચાઓ થશે. ગુજરાત કોંગ્રેસ પ્રદેશ પ્રમુખ, વિપક્ષ નેતા અને પ્રભારી સહિતના નેતાઓની ઉપસ્થિતમાં યોજાઈ રહેલી બેઠકમાં ઉમેદવાર પસંદગી પ્રક્રિયા પગલે મંથન થશે. મળતી માહિતી મુજબ પ્રેદેશ કોંગ્રેસ દ્વારા ઉમેદવારોની પ્રથમ યાદી તૈયાર થયેલી છે તેમના નામની ચર્ચા કરાવામાં આવશે અને ચર્ચા બાદ ઉમેદાવરી લિસ્ટનો આખરી મહોર પણ લાગશે. પ્રાપ્ત માહિતી અનુસાર કોંગ્રેસ ઉમેદવારોની પ્રથમ યાદી દિવાળી પછી જાહેર કરશે. આ બેઠકમાં  રાહુલ ગાંધી અને પ્રિયકા ગાંધીના ગુજરાત પ્રવાસે મુદ્દે પણ થશે ચર્ચા.