ઈન્ટરવ્યુમાં ફિમેલ એન્કર સાથે અભદ્ર વર્તનના આરોપસર મદુરાઈ પોલીસે મલયાલમ એક્ટર શ્રીનાથ ભસીની ધરપકડ કરી છે.
મદુરાઈ પોલીસે કોચીમાંથી મલયાલમ એક્ટર શ્રીનાથ ભસીની ધરપકડ કરી
શ્રીનાથ ભસી પર ઈન્ટરવ્યુમાં ફિમેલ એન્કર સાથે અભદ્ર વર્તનનો આરોપ
મહિલા પત્રકાર અને બીજા લોકોની સાથે ગાળાગાળી કરી હતી
મહિલા પત્રકાર સાથે અભદ્ર વર્તન અને ગાળાગાળી કેસમાં મદુરાઈ પોલીસે મોટી કાર્યવાહી કરતા મલાયમલ એક્ટર શ્રીનાથ ભસીની કોચીમાંથી ધરપકડ કરી છે. મહિલા પત્રકારે ગત અઠવાડિયે તેમની સામે કેસ દાખલ કર્યો હતો જે પછી આજે પોલીસે તેમની ધરપકડ કરી હતી. એક પોલીસ અધિકારીએ કહ્યું કે એક્ટર અમારી કસ્ટડીમાં છે અને તેમનું નિવેદન રેકોર્ડ કરવામાં આવી રહ્યું છે.
Kerala | Maradu Police in Kochi arrested Malayalam actor Sreenath Bhasi for allegedly misbehaving with a female anchor during an interview. The anchor had filed a Police complaint. FIR registered against him, several sections of IPC invoked.
શું બન્યું હતું ઈન્ટરવ્યુમાં
પોતાની લેટેસ્ટ મૂવી Chattambiના પ્રમોશન માટે શ્રીનાથ ભસીએ એક ઈન્ટરવ્યુ ગોઠવ્યું હતું જેમાં એક મહિલા પત્રકાર અને તેમની ટીમને આમંત્રણ આપવામાં આવ્યું હતું. ઈન્ટરવ્યુમાં એક તબક્કે શ્રીનાથ ભસી ખૂબ ગુસ્સે થઈ ગયો હતો અને મહિલા પત્રકાર અને ટીમના બીજા સભ્યોને ગંદી ગાળો આપી હતી અને તેમની સાથે ખરાબ વર્તન કર્યું હતું. આ ઘટનાથી આઘાત પામેલા મહિલા પત્રકારે તેમની સામે પોલીસ ફરિયાદ કરી હતી જે અનુસાર પોલીસે આજે તેમની ધરપકડ કરી હતી.
ગાળાગાળીની વીડિયો ક્લીપ વાયરલ થઈ
શ્રીનાથ ભસીની ગાળાગાળીનો વીડિયો વાયરલ થયો હતો જે પછી સોશિયલ મીડિયામાં તેમની સામે પસ્તાળ પડી હતી. વીડિયોમાં તેઓ રેડિયો જોકી ટીમ સાથે ગાળાગાળી અને અભદ્ર વર્તન કરી રહેલો દેખાતો હતો.