ઓડિશા / મતદાન પહેલા નકસલીઓએ મહિલા મતદાન અધિકારીની કરી હત્યા

ઓડિશામાં લોકસભા ચૂંટણીના બીજા તબક્કાના એક દિવસ પહેલા જ એક મહિલા મતદાન અધિકારીની નક્સલીઓએ દ્વારા હત્યા કરી દેવામાં આવી છે. એટલું જ નહીં નક્સલીઓએ મતદાન લઈ જવાઈ રહેલા વાહનને પણ આગચાંપી દીધી હતી. ઓડિશાના કંધમાલ જીલ્લાના ફૂલબની વિસ્તારમાં આ ઘટના બની છે.
 
ઉલ્લેખનીય છે કે, નક્સલીઓએ અહીં સ્થાનિક લોકોને ચૂંટણીનો બહિષ્કાર કરવાની ધમકી આપી હતી. ડીજીપી બી.કે.શર્માએ કહ્યું કે, સેક્ટર ઓફિસર સંજુક્તા દિગલ ચૂંટણી કરવવા માટે એક બૂથ તરફ મતદાનકર્મીઓ સાથે જઈ રહ્યા હતા. જ્યારે તેઓ જંગલમાંથી પસાર થઈ રહ્યા હતા ત્યારે રસ્તામાં શંકાસ્પદ વસ્તુઓ નજરે પડતા તેઓ તપાસ માટે નીચે ઉતર્યા હતા.
 
આ સમયે જ નક્સીલઓએ તેમને ગોળી મારીને હત્યા કરી નાખી. જ્યારે ગાડીમાં સવાર અન્ય ચાર મતદાનકર્મીઓને કોઈ નુકસાન પહોંચ્યુ નથી. ઉલ્લેખનીય છે કે, આજે કંધમાલ લોકસભા બેઠક પર મતદાન યોજાયુ છે અને મતદાનના એક દિવસ પહેલા જ આ ઘટના બની છે.

આમ નક્સલીઓએ મતદાન અધિકારીઓ લઇ જઇ રહેલા વાહનને આગ ચાંપી દીધી હતી. આ ઘટના ફિરિંગિયા પોલીસ સ્ટેશનના એક ગામમાં બની હતી. પોલીસના જણાવ્યા અનુસાર બધા અધિકારીઓ સુરક્ષિત છે, પરંતુ ઇવીએમ સહીત અન્ય ચૂંટણી સામગ્રીનું શું થયું તે અંગે હજી સુધી ખબર પડી નથી. નકસલીઓએ વાહનને આગ લગાવતાં પહેલા અધિકારીઓને ગાડીમાંથી નીચે ઉતારી દીધા હતા.