ડાંગમાં સાપુતારા નજીક સુરતની ખાનગી બસ ખીણમાં પડી ગઇ હતી. આ બસમાં 50થી વધુ મહિલાઓ સવાર હતી. જેમાંથી 2 મહિલાઓના મોતના સમાચાર મળી રહ્યા છે.
સાપુતારા નજીક બસ ખીણમાં ખાબકી, 2ના મોત
સુરતની ખાનગી બસમાં 50 મહિલાઓ હતી સવાર
કેટલીક મહિલાઓને ઇજા પહોંચ્યા હોવાની માહિતી
ડાંગ જિલ્લાના સાપુતારા નજીક માલેગાવ ઘાટ રોડ પર અવારનવાર અકસ્માતની ઘટનાઓ સામે આવે છે. ત્યારે શનિવારે મોડી સાંજે સાપુતારા નજીક સુરતની ખાનગી બસ ખીણમાં પડી હતી. આ બસમાં 50થી વધુ મહિલાઓ સવાર હતી. તો આ બસ દુર્ઘટનામાં 2 મહિલાઓના મોતના સમાચાર મળી રહ્યા છે. તો 5 જેટલી મહિલાઓને નાની-મોટી ઇજાઓ થઇ છે. ઈજાગ્રસ્ત મહિલાઓને નજીકની હોસ્પિટલ સારવાર માટે લઇ જવાઈ છે. તો 50 મહિલાઓને બચાવી લેવાઇ છે અને તે સહિસલામત હોવાના સમાચાર મળી રહ્યા છે. દુર્ઘટનાના પગલે સ્થાનિકો અને આસપાસના લોકો મદદે આવી પહોંચ્યા હતા. તો એમ્બ્યુલન્સ અને પોલીસ સહિતની ટીમો પણ ઘટનાસ્થળે પહોંચી હતી. રેસ્ક્યૂ કરાયેલી તમામ મહિલાઓને સુરક્ષિત સ્થળે લવાઇ છે.
ANI ન્યૂઝ એજન્સીના અનુસાર, ગૃહ રાજ્યમંત્રી હર્ષ સંઘવીએ જણાવ્યું છે કે, ગુજરાતના ડાંગના સાપુતારા પાસે બસ દુર્ઘટનામાં બે મહિલા મુસાફરોના મોત થયા છે, જ્યારે 50 મુસાફરોને બચાવી લેવામાં આવ્યા છે. હર્ષ સંઘવીએ જણાવ્યું કે, ડાંગ જિલ્લાના સાપુતારા પાસે 50થી વધુ મુસાફરોને લઈ જતી બસ ખીણમાં પડી હતી. પોલીસ ઘટનાસ્થળે પહોંચી હતી, રેસ્ક્યુ ઓપરેશન ચાલુ છે. ટાયર બ્લાસ્ટને કારણે થયેલા અકસ્માતમાં અનેક ઇજાગ્રસ્ત થયા છે.
#UPDATE | Two female passengers have died, while 50 passengers have been rescued in the bus accident near Saputara in Dang, Gujarat: MoS Home Harsh Sanghavi
સુરતના રાંદેર અડાજણ વિસ્તારમાં આવેલા ગરબા ક્લાસીસના સભ્યો 5 બસ લઇને સાપુતારાના પ્રવાસે ગયા હતા ત્યારે આ અકસ્માત થયો હતો. બાકીના સુરક્ષિત લોકોને અન્ય બસ મારફતે સુરત લાવવાની કામગીરી હાથ ધરવામાં આવી છે. તો હાલ ડાંગમાં વરસાદના પગલે રેસ્ક્યૂ કામગીરીમાં મુશ્કેલી પડી હતી. તો ખીણ વિસ્તાર હોવાથી વીજપુરવઠો ન હતો જેને લઇને પણ રેસ્ક્યૂ કામગીરીમાં મુશ્કેલીનો સામનો કરવો પડ્યો હતો.
તો મંત્રી પૂર્ણેશ મોદીએ કાર્યકર્તાઓ-કલેક્ટર સાથે આ ઘટનાને લઇને વાત કરી છે. પૂર્ણેશ મોદીએ વોટ્સએપ ગ્રુપમાં કાર્યકર્તાઓને બચાવ અને રાહત કામગીરી માટે અપીલ કરી છે.