બોલીવુડ અભિનેત્રી અનુષ્કા શર્માએ રવિવારે પતિ વિરાટ કોહલી માટે એક ભાવનાત્મક પોસ્ટ લખી. અનુષ્કા શર્માએ કહ્યું કે ભારતીય ક્રિકેટ ટીમના ટેસ્ટ કેપ્ટન તરીકે વિરાટ પોતાની પાછળ જે વિરાસત છોડીને જઇ રહ્યો છે, વિરાટને તેની પર ગર્વ છે.
ટેસ્ટ કેપ્ટન તરીકે વિરાટે પાછળ જે વિરાસત છોડી, તેની પર મને ગર્વ
અનુષ્કાએ 33 વર્ષીય વિરાટની ઘણી શાનદાર તસ્વીરો શેર કરી
અનુષ્કાએ ઈન્સ્ટાગ્રામ પર તસ્વીરો કરી પોસ્ટ
અનુષ્કાએ ઈન્સ્ટાગ્રામ પર પોતાના 33 વર્ષીય વિરાટની ઘણી શાનદાર તસ્વીરો શેર કરી છે. બંને વર્ષ 2017માં લગ્નના બંધનમાં બંધાયા હતા. અનુષ્કાએ લખ્યું, મને વર્ષ 2014નો તે દિવસ યાદ છે, જ્યારે તમે મને જણાવ્યું હતુ કે એમએસ ધોનીના ટેસ્ટ ક્રિકેટમાંથી સંન્યાસ લેવાના નિર્ણયને કારણે તમને કેપ્ટન બનાવવામાં આવ્યાં છે.
હું હજી 2014ના દિવસો ભૂલી નથી: અનુષ્કા
મને તે વખતે એમએસ અને તમારી સાથે થયેલી તે વાતચીત પણ યાદ છે, જેમાં તેમણે મજાકિયા અંદાજમાં કહ્યું હતુ કે ટૂંક સમયમાં તમારી દાઢીના વાળ પણ પાકવાના છે. અમે બધા આ વાત પર ખૂબ હસ્યા હતા. તે દિવસથી લઇને અત્યાર સુધી, હું તમારી દાઢીના વાળ પાકવાથી લઇને ઘણુ બધુ જોઈ ચૂકી છુ. મેં વિકાસ જોયો છે. સારો વિકાસ. તમારી આસપાસ અને તમારી અંદર અને હા ભારતીય ક્રિકેટ ટીમના સુકાની તરીકે તમારો વિકાસ અને તમારા નેતૃત્વમાં ટીમને મળેલી અજેય સિદ્ધીઓ જોઈ હું ખૂબ ગૌરવ અનુભવુ છુ. તેના પર મને ખૂબ ગર્વ છે.
અનુષ્કાએ 2014ના દિવસોને યાદ કરીને કહ્યું કે તે વખતે અમે બંને ખૂબ ભોળા હતા. વિરાટને થતુ હતુ કે સારી નિયત અને સકારાત્મક વિચારધારા અને પ્રયાસ જીવનમાં આગળ વધવાનો મંત્ર છે. જો કે, અભિનેત્રીએ સ્પષ્ટ કર્યુ કે આ ગુણ ખૂબ જરૂરી છે. પરંતુ ઘણા પડકારો પણ સાથે લઇને આવે છે. અનુષ્કાએ લખ્યું, તમે જે પડકારોનો સામનો કર્યો છે તેમાંથી ઘણા મેદાન સુધી મર્યાદિત નથી. પરંતુ તેનુ નામ તો જીવન છે ને? આ ઘણા બધા તબક્કે તમારી પરીક્ષા લે છે. મને ગૌરવ છે કે તમે કોઈ પણ પડકારોને પોતાની સારી વિચારધારાની આડે આવી દીધા નથી. તમે હંમેશા સત્ય માટે ઉભા થયા છો. તમે હંમેશા શાનદાર નેતૃત્વથી એક મિસાલ ઉભી કરી છે. તમે જીત માટે પોતાનુ સંપૂર્ણ લગાવી દીધુ છે. હાર બાદ ઘણી વખતે મેં તમારી આંખોમાં આંસૂ જોયા છે. તમારા મનમાં હંમેશા સવાલ રહેતો હતો કે બીજુ વિશેષ શું કરી શકાય. તમે આવા જ છો અને બીજા પાસેથી પણ આવી અપેક્ષા રાખો છો.
વિરાટ સાફ અને બેબાક છે: અનુષ્કા
તમે સાફ દિલ અને બેબાક છો. દેખાડો તમને સારો લાગતો નથી. તમારા આ ગુણ તમને મારી અને મારા ચાહકોની નજરમાં મહાન બનાવે છે. 33 વર્ષીય અભિનેત્રીએ કહ્યું કે તેની દીકરી વામિકા આ વાતની સાક્ષી રહેશે કે ભારતીય ટીમની કેપ્ટનશિપે ફક્ત એક ક્રિકેટર નહીં પરંતુ પિતાના રૂપમાં પણ વિરાટના અસ્તિત્વને મજબૂત બનાવવામાં મહત્વનું યોગદાન આપ્યું.