પાકિસ્તાનમાં બોમ્બ બ્લાસ્ટ થયો હોવાની માહિતી મળી છે. જેમાં 16 લોકોના મૃત્યુ તેમજ 30 લોકો ઘાયલ થયા હોવાનું જાણવા મળ્યું છે.
પાકિસ્તાનના ક્વેટામાં આવેલા શાક માર્કેટમાં બોંબ બ્લાસ્ટ થયો છે. બોમ્બ બ્લાસ્ટમાં 16 લોકોના મોત થયા છે. જ્યારે 30 લોકો ઘાયલ થયા છે. ઘાયલ લોકોને સારવાર અર્થે ક્વેટાની સરકારી હોસ્પિટલમાં ખસેડવામાં આવ્યા છે.
પાક પ્રધાનમંત્રી ઇણરાન ખાને હુમલાની ટીકા કરી છે. સાથે જ ઇમરાને ઘાયલ થયેલા લોકોને સારી સારવાર આપવા માટે કહ્યું છે. ક્વેટા પોલીસે જણાવ્યું કે બોંબ બટાકાના કટ્ટાઓમાં છુપાવવામાં આવ્યો હતો. બ્લાસ્ટના કારણે આસપાસની બિલ્ડિંગોના કાચ પણ તૂટી ગયા હતા. તો શાક માર્કેટમાં બનાવેલો શેડ પણ તૂટી ગયો હતો.
આ ઘટનાની જાણ થતા જ પોલીસ દળ ઘટના સ્થળે પહોંચીને એ વિસ્તારનો ઘેરાવો કરી લીધો છે. તેમજ તપાસ હાથ ધરવામાં આવી છે.