દુર્ઘટના / ગાઝિયાબાદમાં મોટી દુર્ઘટના, ફ્લાયઓવર પરથી નીચે ખાબકી બસ, 10 લોકોના મોતની આશંકા

• ગાઝિયાબાદમાં મોટી દુર્ઘટના
• ફ્લાયઓવર પરથી નીચે ખાબકી બસ
• 8-10 લોકોના મોતની પોલીસને આશંકા
• ઘણા પ્રવાસીઓ ઘાયલ

ગાઝિયાબાદના લાલકુવા વિસ્તારમાંથી ખીચોખીચ ભરેલી બસ ઉપડી હતી. બસ જ્યારે ભાટિયા ફ્લાયઓવર પર આવી ત્યારે અચાનક કોઈ કારણસર તે નીચે ખાબકી હતી અને તેમાં ઘણા મુસાફરોને વાગ્યું હતું. 

આ ઘટનામાં 8-10 લોકોના મોત થયા હોવાની પોલીસને આશંકા 

પોલીસ સૂત્રોએ જણાવ્યું હતું કે ૮ થી ૧૦ લોકોના ઘટના સ્થળે જ મોત થયા છે, જોકે હજી સુધી સત્તાવાર રીતે કોઈના મોતની પુષ્ટિ થઈ નથી.‎

ફ્લાયઓવર પરથી બસના નીચે ખાબકવાનો એક વીડિયો પણ વાયરલ થયો 

ફ્લાયઓવર પરથી બસના નીચે ખાબકવાનો એક વીડિયો પણ વાયરલ થયો હતો જેમાં પલટી ખાઈ ગયેલી બસમાંથી પ્રવાસીઓ બહાર આવી રહેલા દેખાતા હતા. ઘટનાની જાણ થતા લોકોના ટોળેટોળા ભેગા થયા હતા. મોટો શોરબકોર મચ્યો હતો. પોલીસ પણ ઘટનાસ્થળે આવી હતી. 

10 લોકો ઘાયલ થયા 

ઘટનાસ્થળે દોડી આવેલી પોલીસે મુસાફરો અને બસની અડફેટે આવેલા લોકોને બહાર કાઢવાનું શરૂ કરી દીધું છે. હાલ 10 ઘાયલ વ્યક્તિઓને અડધો ડઝન એમ્બ્યુલન્સ મારફતે જિલ્લા સરકારી હોસ્પિટલ એમએમજી માં મોકલવામાં આવ્યા છે.