પાકિસ્તાનમાં પુરની સ્થિતિએ જનજીવન ખોરવી નાખ્યું છે ત્યારે સૌથી વધુ ખતરો ગર્ભવતી મહિલાઓ માટે છે, ત્યાનું હેલ્થકેર સિસ્ટમ હાલ ખુબ ગંભીર ખરાબ હાલતમાં છે.
પાકિસ્તાનમાં પૂરથી સ્થિતિથી જનજીવન ખોરવાયું
સૌથી વધુ ચિંતા હાલ મહિલાઓ પર તોળાઈ રહી છે
73,000 એવી મહિલાઓ જે આ મહીને ડિલીવરી કરશે
પાકિસ્તાનમાં પૂરથી તબાહી ચાલુ જ છે. અહીં લાખો લોકો પોતાનું ઘર છોડવા મજબૂર છે. આ સાથે જ અત્યાર સુધી આ પૂરના કારણે સેંકડો લોકોના મોત થયા છે. આવી સ્થિતિમાં અહીંની મહિલાઓ પર ખતરો વધતો દેખાઈ રહ્યો છે. અહીંની લાખો ગર્ભવતી મહિલાઓને આરોગ્ય સંભાળની સખત જરૂર છે. જેમાં 73,000 એવી મહિલાઓ છે જે આવતા મહિને બાળકને જન્મ આપવા જઈ રહી છે.
પૂરથી લોકો થયા બેહાલ
પાકિસ્તાનમાં સ્થિતિ સતત કથળી રહી છે. હવે વધુ એક ચિંતાજનક સમાચારે અહીં લોકોને પરેશાન કર્યા છે. એક તરફ જ્યાં પૂરના કારણે લોકો બેઘર બની રહ્યા છે ત્યાં બીજી તરફ ગર્ભવતી મહિલાઓને પણ રસ્તા પર આવવાની ફરજ પડી છે. આ સમયે આ મહિલાઓને સૌથી વધુ કાળજીની જરૂર હોય છે. સાથે જ છોકરીઓ પર લિંગ આધારિત હિંસાનું જોખમ પણ વધી ગયું છે.
સગર્ભા સ્ત્રીઓને જોખમ
યુએનએફપીએના રિપોર્ટ મુજબ પૂરગ્રસ્ત વિસ્તારોમાં પાંચ લાખથી વધુ ગર્ભવતી મહિલાઓને માતાના સ્વાસ્થ્યની ખાસ જરૂર છે. સાથે જ ઘણી મહિલાઓને લિંગ આધારિત હિંસાનું જોખમ વધી જાય છે. ઓછામાં ઓછા 6.4 મિલિયન લોકોને માનવતાવાદી સહાયની જરૂર છે અને તેમાંથી 1.6 મિલિયન મહિલાઓ અને છોકરીઓ છે, જે તાજેતરના મુશળધાર વરસાદને કારણે આવેલા પૂરથી પ્રભાવિત થયા છે.
પાકિસ્તાનમાં પૂરના કારણે લોકો બેઘર થઈ ગયા
રિપોર્ટમાં કહેવામાં આવ્યું છે કે આવતા મહિને 73,000 મહિલાઓ બાળકને જન્મ આપે તેવી સંભાવના છે. આ સમય દરમિયાન, તેમને સ્કીલ્સ બર્થ એટેન્ડન્ટ્સ અને નવજાત શિશુ સંભાળની જરૂર પડશે. આ એક એવી પરિસ્થિતિ છે જ્યારે માતા અને બાળક બંને અસુરક્ષિત હોય છે અને તેમને સૌથી વધુ કાળજીની જરૂર હોય છે. પૂરના કારણે 10 લાખ ઘરોને નુકસાન પહોંચ્યું છે. જો કે તેમણે કહ્યું કે યુએનએફપી જમીન પર તમામ સાથીઓ સાથે મળીને કામ કરી રહી છે.
આરોગ્ય સુવિધાઓ પર ખરાબ અસર
યુએનએફપીના પાકિસ્તાનના પ્રતિનિધિ ડો.બખ્તિયાર કાદિરોવે જણાવ્યું હતું કે એજન્સી એવી પરિસ્થિતિઓમાં મહિલાઓ માટે કામ કરવાનું ચાલુ રાખે છે જે સગર્ભા સ્ત્રીઓને ખૂબ જ પડકારજનક પરિસ્થિતિઓમાં પણ જીવન રક્ષક સેવાઓ પ્રાપ્ત કરવામાં સક્ષમ બનાવશે. સિંધમાં સ્વાસ્થ્ય સુવિધાઓને સૌથી વધુ અસર થઈ છે. બલુચિસ્તાનમાં અસરગ્રસ્ત જિલ્લાઓમાં 198 આરોગ્ય સુવિધાઓને નુકસાન પહોંચ્યું હતું. આને ધ્યાનમાં રાખીને, યુએનએફપીએ પાકિસ્તાને સિંધ, બલુચિસ્તાન અને કેપીમાં તાત્કાલિક ડિલિવરી માટે 8,311 ગરિમા કીટ, 7,411 નવજાત કીટ અને 6,412 ક્લીન ડિલિવરી કિટ્સ પહોંચાડવાનું શરૂ કર્યું છે.