મધ્યપ્રદેશના ખંડવામાં બૈતૂલ હાઇવે પ્ર ગ્રામ મેહલૂ નજીક એક જાનૈયાઓ ભરેલુ ટ્રેક્ટર-ટ્રોલી પલટી ગઇ હતી. આ દુર્ઘટનામાં વરરાજા સહિત 6 લોકોના મોતના સમાચાર મળી રહ્યા છે. જ્યારે 20થી વધુ લોકો ઇજાગ્રસ્ત પણ થયા છે. તમામ ઇજાગ્રસ્તોને ખંડવા જિલ્લા હોસ્પિટલ લઇ જવામાં આવ્યા છે.
મધ્યપ્રદેશમાં મોટો અકસ્માત સર્જાયો
જાનૈયાઓ ભરેલું ટ્રેક્ટર-ટ્રોલી પુલ પરથી નીચે ખાબક્યા
વરરાજા સહિત 6ના મોત, 20થી વધુ ઇજાગ્રસ્ત
40થી વધુ જાનૈયાઓને લઇ જઇ રહેલું ટ્રેક્ટર મેહલૂ ગામ નજીક પુલથી પસાર થતા સમયે બેકાબૂ થઇ હતું, જેનાથી ટ્રેક્ટર-ટ્રોલી અંદાજિત 15 ફૂટ નીચે પલટી હતી. જેને લઇને દુર્ઘટનામાં અત્યાર સુધીમાં 6ના મોત થયા છે. જોકે પ્રત્યક્ષદર્શિઓના જણાવ્યા અનુસાર, હજુ પણ મૃત્યુ આંક વધી શકે છે.
વરરાજા સહિત 6 લોકોના મોત
આ દુર્ઘટનામાં વરરાજા કુંવરસિંહ અને પિતા લલ્લૂરામનું પણ મોત થઇ ગયું છે. આ સિવાય મૃતકોમાં 5 મહિલાઓ સામેલ છે. જેમાં ભાગવતીબાઇ, સરજૂબાઈ, બુધિયાબાઇ, તુલસાબાઇ અને ગૌપીબાઇ સામેલ છે.