જુઓ છેલ્લાં 20 વર્ષમાં કેટલાં નેતાઓ કોંગ્રેસની 'આશા' પર પાણી ફેરવી ભાજપમાં જોડાયા

કોંગ્રેસના પૂર્વ ધારાસભ્ય આશા પટેલ ભારે રાજકીય ડ્રામેબાજી બાદ આખરે ભાજપમાં જોડાયા છે. આશા પટેલને ભાજપ પ્રદેશ પ્રમુખ જીતુ વાઘાણીએ ભાજપનો ખેસ પહેરાવી ભાજપમાં વિધિવત રીતે સામેલ કર્યા છે. તો ઊંઝાના પૂર્વ ધારાસભ્ય નારાયણ પટેલે પણ આશા પટેલનું ભાજપમાં સ્વાગત કર્યું હતું. 

મહત્વનું છે કે ધારાસભ્ય પદેથી રાજીનામું આપ્યા બાદ આશા પટેલ ચર્ચામાં આવ્યા હતા અને ત્યાર બાદ રાજકીય ડ્રામાં સર્જાયો હતો. જોકે  આશા પટેલે અંતે ભાજપનો દામન પકડી લેતા તમામ રાજકીય ડ્રામા પૂર્ણ થયો છે.

જુઓ અત્યાર સુધી કેટલાં નેતાઓ ભાજપમાં જોડાયા
ગુજરાતમાં 1995થી 2018 સુધીમાં જેટલી ચૂંટણીઓ થઇ છે તેમાં કોંગ્રેસના 12 સંસદસભ્યો 65 ધારાસભ્યો અને 15000થી વધુ કાર્યકરો ભાજપમાં જોડાયા છે. ખાસ કરીને જ્યારે પાલિકા પંચાયત રાજ્યસભા વિધાનસભા અને લોકસભાની ચૂંટણી આવે છે ત્યારે કોંગ્રેસના નેતાઓ ભાજપમાં જોડાય છે. તેમની સાથે પાર્ટીના કાર્યકરો પણ સામૂહિક રીતે જોડાઇ જાય છે.

મહત્વના કહી શકાય તેવા નેતાઓમાં લીલાધર વાઘેલા જોઇતાભાઇ પટેલ નરહરિ અમીન વિઠ્ઠલ રાદડિયા જયેશ રાદડિયા કુંવરજી બાવળીયા બાવકુ ઉંઘાડ મુખ્ય છે.

આશાબેન પટેલને સળગતા સવાલ