અમદાવાદમાં મ્યુનિસિપલ કોર્પોરેશનની સામાન્ય ચૂંટણી અમુક મહિનાઓમાં થવાની છે ત્યારે મેયરનાં નિવાસસ્થાને cm રૂપાણી સામે ઘણા ભાજપ કાર્યકર્તાઓએ કકળાટ કર્યો હતો. વહીવટીતંત્ર સાથેના એક યા બીજા પ્રકારના મતભેદ વખતે મેયર બીજલબહેન પટેલ, સ્ટેન્ડિંગ કમિટીના ચેરમેન અમૂલ ભટ્ટ અને પક્ષના નેતા અમિત શાહ વચ્ચે અરસપરસ સંવાદિતા ન હોવાનું બહાર આવતું રહ્યું છે.
ભાજપના શાસકોને સળંગ 15 વર્ષના શાસનકાળના કારણે પ્રજામાં 'એન્ટી ઇન્કબન્સી'નો ડર સતાવી રહ્યો છે
મુખ્યપ્રધાન વિજય રૂપાણી સમક્ષ કેટલાક સિનિયર કોર્પોરેટરોએ બળાપો ઠાલવ્યો
કેટલાક સિનિયર કોર્પોરેટરોએ ટોચના હોદ્દેદારો સામે ફરિયાદ કરતાં રૂપાણી પણ સ્તબ્ધ થયા
મ્યુનિ. ભાજપનો કકળાટ ફરી સપાટી પર આવ્યો
અમિત શાહ અમદાવાદની મુલાકાતે છે ત્યારે અને મ્યુનિસિપલ કોર્પોરેશનની સામાન્ય ચૂંટણી આડે હવે માંડ નવથી દશ મહિના બાકી હોઇ વર્તમાન ભાજપના શાસકોને સળંગ 15 વર્ષના શાસનકાળના કારણે પ્રજામાં 'એન્ટી ઇન્કબન્સી'નો ડર સતાવી રહ્યો છે. બીજી તરફ મ્યુનિસિપલ ભાજપમાં પણ ભારે જૂથબંધી ચાલતી હોઇ ગઇ કાલે મેયર બીજલબહેન પટેલના નિવાસે ઉત્તરાયણ ઊજવવા આવેલા મુખ્યપ્રધાન વિજય રૂપાણી સમક્ષ કેટલાક સિનિયર કોર્પોરેટરોએ બળાપો ઠાલવતાં મ્યુનિ. ભાજપનો કકળાટ ફરી સપાટી પર આવ્યો હતો.
'કમિશનર હટાવો ઝુંબેશ' વખતે મ્યુનિ. ભાજપની જૂથબંધી જાહેરમાં બહાર આવી
મ્યુનિ. ભાજપમાં ટોચના પાંચ હોદ્દેદારો વચ્ચે પણ ખાસ મનમેળ નથી. વહીવટીતંત્ર સાથેના એક યા બીજા પ્રકારના મતભેદ વખતે મેયર બીજલબહેન પટેલ, સ્ટેન્ડિંગ કમિટીના ચેરમેન અમૂલ ભટ્ટ અને પક્ષના નેતા અમિત શાહ વચ્ચે અરસપરસ સંવાદિતા ન હોવાનું બહાર આવતું રહ્યું છે, તેમાં પણ 'કમિશનર હટાવો ઝુંબેશ' વખતે તો મ્યુનિ. ભાજપની જૂથબંધી જાહેરમાં બહાર આવી ગઇ હતી.
ગઇ કાલે મેયરના નિવાસસ્થાને મુખ્યપ્રધાન સમક્ષ કેટલાક સિનિયર કોર્પોરેટરોએ ટોચના હોદ્દેદારો સામે ફરિયાદ કરતાં રૂપાણી પણ સ્તબ્ધ થયા હતા. એક સિનિયર મહિલા કોર્પોરેટરે તો મુખ્યપ્રધાન આગળ ઉગ્ર રોષ વ્યક્ત કરતાં મેયર પણ ભોંઠા પડ્યા હતા, જોકે મુખ્યપ્રધાને સિિનયર-જુનિયર કોર્પોરેટરોને એકસાથે રહીને લોકો માટે કામ કરવાની સલાહ આપી હતી.