નવાં વર્ષનાં નવા ભાવ / 2022 થી આ વસ્તુઓ થઈ જશે મોંઘી, તમે રોજ ઉપયોગ કરો છો એવી ચીજો પર વધારે ટેક્સ ચૂકવવો પડશે

• 1 જાન્યુઆરી, 2022થી ગુડ્સ એન્ડ સર્વિસ ટેક્સના નિયમોમાં થશે ફેરફાર
• કપડાં, બૂટ અને ઑનલાઈન ઑટો રીક્ષાનો પ્રવાસ પણ થશે મોંઘો 
• ટેક્સ દરની સીધી અસર સામાન્ય નાગરિકો પર પડશે

પરિવહન અને રેસ્ટોરન્ટ ક્ષેત્રમાં ટેક્સની ચૂકવણી કરવી પડશે

આ ફેરફાર હેઠળ ઈ-કોમર્સ સેવા આપનાર પરિવહન અને રેસ્ટોરન્ટ ક્ષેત્રમાં અપાતી સેવાઓ પર ટેક્સની ચૂકવણી કરવી પડશે. આ ફેરફાર કપડા અને ફૂટવેર ક્ષેત્રના ટેક્સ માળખાને પણ લાગુ થશે. જે હેઠળ દરેક પ્રકારના પગરખા પર 12 ટકા જીએસટી ચૂકવવો પડશે. હવે તેનાથી કોઈ ફરક પડતો નથી કે પગરખાની કિંમત કેટલી છે. એટલેકે હવે 100 રૂપિયાના બૂટની ખરીદી પર પણ 12 ટકા ટેક્સ ભરવો પડશે. પહેલા 1000 રૂપિયાથી ઓછાના પગરખા પર કોઈ ટેક્સ ભરવો પડતો ન હતો. 

કાપડના ઉત્પાદનો પર 12 ટકા જીએસટી કપાશે

તો ખાદીને છોડીને દરેક કાપડના ઉત્પાદનો પર 5 ટકાના બદલે 12 ટકા જીએસટી કપાશે. જીએસટી પરિષદે સિલાઈમાં ઉપયોગમાં લેવામાં આવતા અનેક ઉપકરણો પર ટેક્સ વધારવાનો નિર્ણય કર્યો છે. જેને કારણે રેડીમેડ કપડાની સાથે સિવીને પહેરવામાં આવતા કપડા પણ મોંઘા થશે.

પરિવહન સેવાઓ પર ડિસ્કાઉન્ટ મળતુ રહેશે 

બીજી તરફ રિક્ષાચાલકોને ઑફલાઈન પદ્ધતિથી આપવામાં આવતી પરિવહન સેવાઓ પર ડિસ્કાઉન્ટ મળતુ રહેશે. જ્યારે આ સેવાઓ કોઈ ઈ-કોમર્સ મંચ પરથી આપવામાં આવશે તો તેના પર પાંચ ટકાના દરે જીએસટી ચૂકવવો પડશે.

ઓનલાઈન ભોજન પર 5 ટકા ટેક્સ

પ્રક્રિયાગત ફેરફાર હેઠળ સ્વિગી અને ઝોમેટો જેવી ઈ-કોમર્સ કંપનીઓ પણ પોતાની સેવાઓ પર જીએસટી વસૂલ કરશે. કંપનીઓ આ સેવાઓના બદલે જીએસટી લઇને સરકારની પાસે જમા કરાવવો પડશે. જેના માટે તેમણે સેવાઓનું બિલ જાહેર કરવુ પડશે. જેનાથી ગ્રાહકો પર કોઈ વધુ ભાર આવશે નહીં. કારણકે રેસ્ટોરન્ટ પહેલેથી જ જીએસટી વસૂલી રહ્યાં છે. ફેરફાર એટલો છે કે ટેક્સ જમા કરાવવો અને બિલ જાહેર કરવાની જવાબદારી હવે ફૂડ ડિલીવરી મંચ પર આવી ગઇ છે.