નોટબંધી બાદ દેશમાં રૂ. બે હજારની નોટ સત્તાવાર ચલણમાં ઈશ્યૂ કરવામાં આવી હતી, પરંતુ હવે ધીમે ધીમે બેન્કો રૂ. બે હજારની નોટને એટીએમમાંથી હટાવી રહી છે. સ્ટેટ બેન્ક ઓફ ઇન્ડિયાએ તેની શરૂઆત પણ કરી દીધી છે. હવે એટીએમમાંથી રૂ. બે હજારની નોટ મળવી મુશ્કેલ બની જશે.
2000 ની નોટ ATM માંથી મળવી મુશ્કેલ
બેંક ઓફ ઇન્ડિયા દ્વારા સ્લોટ હટાવાયો
આરબીઆઇના દિશાનિર્દેશો અનુસાર સ્ટેટ બેન્ક ઓફ ઇન્ડિયાએ નાના શહેર અને ટાઉનમાં હાલ એટીએમમાંથી રૂ. બે હજારની નોટ રાખવા માટેનો સ્લોટ હટાવવાનું શરૂ કરી દીધું છે, જોકે મોટાં શહેરોમાં હજુ આવું કરવામાં આવ્યું નથી.
હવે રૂ. બે હજારની નોટના સ્લોટના સ્થાને રૂ. 100, રૂ. 200 અને રૂ. 500ની નોટના સ્લોટ વધારવામાં આવી રહ્યા છે. બેન્ક રૂ. બે હજારની નોટને બંધ કરવા માટે તબક્કાવાર કામ કરી રહી છે.
સરકાર રૂ. બે હજારની નોટ બંધ કરી રહી છે એવી અફવાઓ ફેલાય નહીં તે માટે બેન્કો હવે ધીમે ધીમે આ નોટને એટીએમમાંથી હટાવવાની તૈયારી કરી રહી છે.