ઐતિહાસિક / ભારત અને ક્રોએશિયા વચ્ચે અનેક સમજુતી, PM મોદીએ કહ્યું ત્રણ ગણો વધશે સંબંધ

PM Modi at G7 : પ્રધાનમંત્રી નરેન્દ્ર મોદીની ક્રોએશિયા મુલાકાત દરમિયાન ભારત અને ક્રોએશિયા વચ્ચે ઘણા મહત્વપૂર્ણ કરારો પર હસ્તાક્ષર થયા. પીએમ મોદીએ દ્વિપક્ષીય વેપાર, સંરક્ષણ, ટેકનોલોજી અને આતંકવાદ વિરોધી સહયોગ વધારવા પર ભાર મૂક્યો. તેમણે બંને દેશો વચ્ચેના સહિયારા મૂલ્યો પર પ્રકાશ પાડ્યો. પીએમ મોદીએ કહ્યું કે, આ મુલાકાત બંને દેશો વચ્ચેના સંબંધોને વધુ મજબૂત બનાવશે.

ઐતિહાસિક ભુમિ પર ઉત્સાહ અને આત્મીયતા સાથે સ્વાગત

પ્રધાનમંત્રી નરેન્દ્ર મોદીની ક્રોએશિયા મુલાકાત દરમિયાન ભારત અને ક્રોએશિયા વચ્ચે ઘણા કરારો પર હસ્તાક્ષર થયા. આ પછી, પીએમ મોદીએ સભાને સંબોધિત કરી. આ દરમિયાન, તેમણે સ્વાગત માટે ક્રોએશિયાના પીએમ આન્દ્રેજ પ્લેન્કોવિકનો આભાર માન્યો. પીએમ મોદીએ કહ્યું કે, આ ઐતિહાસિક ભૂમિ પર મારું જે ઉત્સાહ, આત્મીયતા અને સ્નેહ સાથે સ્વાગત કરવામાં આવ્યું છે તેના માટે હું પ્રધાનમંત્રી પ્લેન્કોવિક અને ક્રોએશિયન સરકારનો આભાર માનું છું. ભારત અને ક્રોએશિયા લોકશાહી, કાયદાનું શાસન અને સમાનતા જેવા સહિયારા મૂલ્યો દ્વારા જોડાયેલા છે.

અનેક મહત્વની સમજુતીઓ પર હસ્તાક્ષર

PM એ કહ્યું કે, ગયા વર્ષે ભારતના લોકોએ મને અને ક્રોએશિયાના લોકોએ પીએમ આન્દ્રેજને સતત ત્રીજી વખત સેવા આપવાની તક આપી તે એક સુખદ સહયોગ છે. આ જાહેર વિશ્વાસ સાથે, અમે અમારા ત્રીજા કાર્યકાળમાં અમારા દ્વિપક્ષીય સંબંધોને ત્રણ ગણી ગતિ આપવાનું નક્કી કર્યું છે. સંરક્ષણ ક્ષેત્રમાં લાંબા ગાળાના સહયોગ માટે સંરક્ષણ સહયોગ યોજના બનાવવામાં આવશે. જેમાં તાલીમ અને લશ્કરી વિનિમય તેમજ સંરક્ષણ ઉદ્યોગ પર ધ્યાન કેન્દ્રિત કરવામાં આવશે. જહાજ નિર્માણ અને સાયબર સુરક્ષામાં સહયોગ વધારવામાં આવશે.

'અમે આ 7 ક્ષેત્રોમાં સહયોગને પ્રોત્સાહન આપીશું'

પીએમ મોદીએ કહ્યું કે, ઘણા ક્ષેત્રો છે જ્યાં આપણી અર્થવ્યવસ્થા એકબીજાના પૂરક બની શકે છે. આ ક્ષેત્રોને ઓળખવામાં આવ્યા છે. અમે દ્વિપક્ષીય વેપાર વધારવા અને વિશ્વસનીય સપ્લાય ચેઇન બનાવવા માટે ઘણા ક્ષેત્રોમાં સહયોગ વધારવાનો નિર્ણય લીધો છે. અમે દ્વિપક્ષીય વેપાર વધારવા અને વિશ્વસનીય સપ્લાય ચેઇન બનાવવા માટે ઘણા ક્ષેત્રોમાં સહયોગ વધારવાનો નિર્ણય લીધો છે. અમે ફાર્મા, કૃષિ, માહિતી ટેકનોલોજી, સ્વચ્છ ટેકનોલોજી, ડિજિટલ ટેકનોલોજી, નવીનીકરણીય ઉર્જા, સેમિકન્ડક્ટર્સમાં સહયોગને પ્રોત્સાહન આપીશું.

સમસ્યાનો ઉકેલ યુદ્ધના મેદાનમાંથી આવતો નથી

આ દરમિયાન, પીએમ મોદીએ આતંકવાદનો મુદ્દો પણ ઉઠાવ્યો. પીએમ મોદીએ કહ્યું કે, આતંકવાદ વિશ્વ માટે એક મોટો ખતરો છે. તેમણે કહ્યું કે અમે સંમત છીએ કે આતંકવાદ માનવતાનો દુશ્મન છે. તે લોકશાહીમાં માનતી શક્તિઓનો દુશ્મન છે.

વડાપ્રધાન મોદીએ આભાર વ્યક્ત કર્યો

22 એપ્રિલના રોજ ભારતમાં થયેલા આતંકવાદી હુમલા પર શોક વ્યક્ત કરવા બદલ અમે પ્રધાનમંત્રી પ્લેનકોવિક અને ક્રોએશિયા સરકારના ખૂબ ખૂબ આભારી છીએ. આવા મુશ્કેલ સમયમાં, અમારા મિત્ર દેશોનો ટેકો અમારા માટે ખૂબ જ મૂલ્યવાન હતો.

કોઇ પણ સમસ્યાનો ઉકેલ યુદ્ધ મેદાનમાં ન આવી શકે

પ્રધાનમંત્રી મોદીએ કહ્યું કે, અમે બંને એ હકીકતને સમર્થન આપીએ છીએ કે યુરોપ હોય કે એશિયા, સમસ્યાઓ યુદ્ધના મેદાનમાં ઉકેલી શકાતી નથી. વાતચીત અને રાજદ્વારી એકમાત્ર રસ્તો છે. કોઈપણ દેશની પ્રાદેશિક અખંડિતતા અને સાર્વભૌમત્વનો આદર કરવો જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ