IPLIN
 

બોલિવુડ / ફરીવાર મોટા પડદા પર એકસાથે દેખાશે અક્ષય-માનુષીની જોડી, 2023માં રિલીઝ થનારી ફિલ્મમાં રોલ અદા કરશે

Team VTV 05:00 PM, 27 Nov 22
Follow us
manushi chillar in bade miyan chote miyan joins akshay kumar and tiger shroff

અક્ષય કુમાર અને ટાઈગર શ્રોફની અપકમિંગ ફિલ્મ બડે મિયાં છોટે મિયાંને લઇને નવી અપડેટ સામે આવી છે. અહેવાલ છે કે ફિલ્મમાં માનુષી છિલ્લરને લીડ તરીકે ફાઈનલ કરવામાં આવી છે.

  • અપકમિંગ ફિલ્મ બડે મિયાં છોટે મિયાંને લઇને નવી અપડેટ સામે આવી
  • ફરી એક વખત સાથે દેખાઈ શકે અક્ષય અને માનુષી છિલ્લર
  • 2023ના અંતમાં રીલીઝ થશે ફિલ્મ 

પ્રશંસકોને છે દમદાર એક્શનની આશા 

થોડા સમય પહેલા નિર્માતાઓએ બડે મિયાં છોટે મિયાંની જાહેરાત કરી હતી ત્યારથી ફિલ્મને લઇને લોકો જાણવા માટે આતુર છે. જો કે, અક્ષય અને ટાઈગરને ફાઈનલ કરી દીધા હતા. પરંતુ ફિલ્મની લીડ અભિનેત્રીનુ નામ હજી સુધી સત્તાવાર જાહેર કરાયું નથી. ખેલાડી કુમાર અને ટાઈગર શ્રોફ બંને બોલીવુડમાં દમદાર એક્શન માટે ઓળખાય છે. એવામાં ફિલ્મની જાહેરાત બાદ પ્રશંસકો આ એક્શન કોમેડી માટે વધુ ઉત્સુક છે.

ફિલ્મમાં હશે ત્રણ મુખ્ય હીરોઈનો

થોડા દિવસો પહેલા અહેવાલ હતા કે ફિલ્મમાં જ્હાનવી કપૂરને હીરોઈન તરીકે કાસ્ટ કરવામાં આવી છે. પિન્કવિલાની રિપોર્ટસ મુજબ માનુષી છિલ્લરને ફિલ્મ માટે ફાઈનલ કરી દેવામાં આવી છે. ઉલ્લેખનીય છે કે ફિલ્મમાં કુલ ત્રણ ફીમેલ લીડ્સ દેખાશે. અહેવાલ મુજબ, માનુષી તેમાંથી એક છે. ટૂંક સમયમાં ફિલ્મનુ શૂટિંગ શરૂ થઇ જશે. ત્યારબાદ ધીરે-ધીરે ફિલ્મના બાકી કાસ્ટ અંગે પણ ખબર પડશે. 

ફરી એક વખત સાથે દેખાઈ શકે છે અક્ષય અને માનુષી 

પૂર્વ મિસ વર્લ્ડ રહી ચૂકેલી માનુષી છિલ્લરે તેની કારકિર્દીની શરૂઆત અક્ષય કુમારની ફિલ્મ પૃથ્વીરાજથી કરી હતી. એવામાં આ માનુષીની બીજી ફિલ્મ હશે. આ ફિલ્મને 15 જાન્યુઆરીથી શરૂ થવાની આશા સેવાઈ રહી છે. પ્રી-પ્રોડક્શનનુ કામ ઝડપથી ચાલી રહ્યું છે. ડાયરેક્ટર અલી અબ્બાસ જફર શૂટીંગ માટે ભારત આવી ગયા છે. 

Akshay Kumar Tiger Shroff Manushi Chillar Bade Miyan Chote Miyan
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ