GOOD NEWS / વિદેશી રોકાણમાં ભારતે બાજી મારી: આ સેક્ટરને મળ્યું 21 બિલિયન ડૉલરનું ઈન્વેસ્ટમેંટ

• ભારત માટે વિદેશી રોકાણને લઈને આવ્યા સારા સમાચાર
• ભારતમાં નાણાકીય વર્ષ 2021-22માં છપ્પરફાડ રોકાણ થયું
• વાર્ષિક આધાર પર 76 ટકાનો વધારો થયો

ભારતીય મેન્યુફેક્ટચરિંગ સેક્ટરને નાણાકીય વર્ષ 2022માં 21 અરબ અમેરિકી ડોલર અથવા વિદેશી રોકાણ મળ્યુ છે. વાણિજ્ય મંત્રાલયે ગુરૂવારે કહ્યું કે, ઉત્પાદન ક્ષેત્રે 2021-22માં 21.34 અબજ અમેરિકી ડોલરનું પ્રત્યક્ષ વિદેશી રોકાણ મળ્યું છે. જે વાર્ષિક આધાર પર 76 ટકાના વધારો દર્શાવે છે. મંત્રાલયે જણાવ્યું છે કે, સરકારે વીમા, રક્ષા, દૂરસંચાર, નાણાકીય સેવાઓ, ફાર્માસ્યૂટિકલ, છુટક વેપાર અને ઈ કોમર્સ જેવા સેક્ટરોમાં એફડીઆઈ નીતિ વ્યવસ્થા અંતર્ગત કેટલાય સુધારાઓ લાગૂ કર્યા છે. 

2021-22 દરમિયાન ભારતમાં રોકાણ કરનારા બે સૌથી મોટા દેશ

સિંગાપુર (27.01 ટકા) અને અમેરિકા (17.94 ટકા) ભારતમાં 2021-22 દરમિયાન ટોપના બે રોકાણકારો તરીકે ઊભરીને સામે આવ્યા છે. ત્યાર બાદ મોરિશસ (15.98 ટકા) નેધરલેન્ડ (7.86 ટકા) અને સ્વિટ્ઝરલેન્ડ (7.31 ટકા) રોકાણ કર્યું છે. પાછલા નાણાકીય વર્ષ 2020-21 (12.09 બિલિયન અમેરિકી ડોલર)ની સરખામણીમાં નાણાકીય વર્ષ 2021--22 (21.34 બિલિયન ડોલરમાં ) ઉત્પાદન ક્ષેત્રમાં એફડીઆઈ ઈક્વિટી પ્રવાહમાં 76 ટકાનો વધારો થયો છે. 

વિદેશી રોકાણ માટે ભારત માટે નાણાકીય વર્ષ 2022 શાનદાર રહ્યું

મંત્રાલયે કહ્યું છે કે ચાલી રહેલી મહામારી અને વૈશ્વિક વિકાસ છતાં, ભારતને 2021-22માં 84.83 બિલિયન અમેરિકી ડોલરનું ઉચ્ચત્તમ વાર્ષિક એફડીઆઈ પ્રાપ્ત થયું છે. 2021-22માં ઉચ્ચતમ એફડીઆઈ પ્રાપ્ત કરનારા ટોચના પાંચ રાજ્યોમાં કર્ણાટક (37.55 ટકા), મહારાષ્ટ્ર (26.26 ટકા), દિલ્હી (13.93 ટકા), તમિલનાડૂ (5.10 ટકા) અને હરિયાણા (4.76 ટકા ) છે.