વાયરલ / મોહન કુંડારિયાની ઓડિયો ક્લીપ બાબતે મનસુખ માંડવીયાનું નિવેદન

રાજકોટમાં ભાજપના ઉમેદવાર મોહન કુંડારિયાનો ધમકી આરતી એક ઓડિયો ક્લીપ વાયરલ થઈ છે. આ મામલે મનસુખ માંડવીયાનું નિવેદન આપ્યુ છે કે, મે હજી સુધી આ ઓડિયો ક્લીપ સાંભણી નથી. આ ઓડિયો વિશે હું કઈ પણ કહી શકતો નથી.
 

ત્યાર બાદ તેમણે લોકોના મતાધિકાર વિશે જણાવ્યુ કે, મત કોને આપવો એ લોકોનો અધિકાર છે.. મત આપવા માટે કોઈ પણ નેતા મતદારોને દબાવી શકતા નથી. ત્યાર બાદ તેમણે પાટીદારો પર કેસ હટાવવા માટે પ્રતિક્રિયા આપી કે, ભાજપ સરકારે જે વચનો આપ્યા હતા તે વચન નીતિ મુજબ પુરા કરવામાં આવશે.

તમને જણાવી દઇએ કે, લોકસભા ચૂંટણીમાં નેતાઓના વિવાદીત નિવેદનો હજુ પણ યથાવત છે અને ચૂંટણી પંચ દાંત અને નહોર વિનાનો વાઘ હોય તેવી સ્થિતિ ઉભી થઇ ગઇ છે. હવે ભાજપના રાજકોટના ઉમેદવાર મોહન કુંડારિયાનો ઓડિયો વાયરલ થયો છે. જેમાં તેઓ કોંગ્રેસના જિલ્લા પંચાયતના સભ્ય સામે ધમકીભર્ય શબ્દોનો ઉપયોગ કરી રહ્યા છે.
 

કોંગ્રેસના જિલ્લા પંચાયતના સભ્ય નાન ડોડીયા સાથે તઓ વાત કરી કહે છે કે, કોઢારિયામાંથી 70થી 75 ટકા મત કાઢી આપજો અને નહીં મળે તો તમારી મંડળી બધુ બંધ થઇ જશે. ત્યારે અહિંયા સવાલ એ છે કે, શું આ રીતે મત મેળવશે નેતાઓ. શું તેમને પોતાના કરેલા કામ પર વિશ્વાસ નથી કે અથવા તો કહીં શકાય કે કોઇ કામ કર્યા નથી. જો કામ કર્યા હોય તો કોઇને મત માટે ધમકી આપવી ન પડે. અહિંયા સવાલ એ છે કે, મત માટે આવા શબ્દોનો ઉપયોગ કેટલો યોગ્ય છે.

તમને જણાવી દઇએ કે, રાજકોટ જિલ્લાનાં જસદણના કનેસરા ગામનો એક વીડિયો સોશિયલ મીડિયામાં વાયરલ થયો હતો. જેમાં મત માગવા આવેલા રાજ્યના પાણી-પુરવઠા મંત્રી કુંવરજીભાઈ બાવળિયા અને ભરત બોઘરાને ગામ લોકોએ પાણીના પ્રશ્ને ઉઘડો લીધો હતો. આ દરમિયાન કુંવરજી બાવળિયા અને બોઘરાએ લોકોને સમજાવવાનાં પ્રયત્નો કર્યા હતા. કુંવરજી બાવળિયાએ લોકોને સમજાવતા કહ્યું કે, તમારા ગામની ખટપટના કારણે વિકાસ નથી થઇ રહ્યો.
 

જે વીડિયો જસદણના કનેસરા ગામનો હોવાની શક્યતા છે. જ્યાં ગ્રામજનોએ બાવળિયાનો ઉધડો લેતા બાવળિયાએ કહ્યું કે, વિધાનસભાની ચૂંટણીમાં તમે મને 45 ટકા મત આપ્યા. જો મત આપ્યો હોત તો તમારા ગામમાં વિકાસ થયો હતો. તો બોઘરાએ જણાવ્યું કે, તમારા ગામની ખટપટના કારણે વિકાસ નથી થતો. મહત્વનું છે કે લોકસભા ચૂંટણી પહેલા ગ્રામજનોએ કુંવરજી બાવળિયાનો વિરોધ નોંધાવ્યો હતો.