ગુડ ન્યૂઝ / કોરોનાની ત્રીજી લહેરની વચ્ચે રાહતના સમાચાર, આ રાજ્યોમાં 100 ટકા વસ્તીને મળ્યો વેક્સીનેશનનો પહેલો ડોઝ, સ્વાસ્થ્ય મંત્રીએ કર્યા વખાણ

• કોરોનાની ત્રીજી લહેરની તૈયારી
• કુલ 6 રાજ્યો અને કેન્દ્ર શાસિત પ્રદેશોમાં 100 ટકા વેક્સીનેશન
• અહીં તમામને પહેલા ડોઝનું વેક્સીનેશન થયું છે પૂર્ણ
• સ્વાસ્થ્ય મંત્રીએ કર્યા વખાણ

કોરોના વાયરસની ત્રીજી લહેરની સામે લડવા માટે ભારતે વેક્સીનેશનની ગતિને ઝડપી બનાવી છે. દેશમાં વેક્સીનેશનનો આંક 73 કરોડને ક્રોસ કરી ચૂક્યો છે. આ સમયે કેન્દ્રીય સ્વાસ્થ્ય મંત્રી મનસુખ માંડવિયાએ મહામારીની સામેની લડાઈને લઈને એક વધુ સારા સમાચાર આપ્યા છે. હાલમાં દેશના કુલ 6 રાજ્યો અને કેન્દ્ર શાસિત પ્રદેશોમાં 100 ટકા વસ્તીને વેક્સીનનો પહેલો ડોઝ આપી દેવાયો છે. મનસુખ માંડવિયાએ આ માટે ગોવા, હિમાચલ પ્રદેશ, લદ્દાખ, સિક્કિમ, લક્ષદ્વીપ, દાદરા અને નગર હવેલી તથા દીવ અને દમણની પ્રશંસા કરી છે.  

Union Health Minister Mansukh Mandaviya lauds 6 states and UTs - Goa, Himachal Pradesh, Ladakh, Sikkim, Lakshadweep, Dadra & Nagar Haveli, and Daman & Diu for administering the first #COVID19 vaccine dose to 100% of the adult population pic.twitter.com/lfCXbGcFbK

— ANI (@ANI) September 12, 2021

73 કરોડને પાર થયો વેક્સીનેશનનો આંક
ભારતમાં કોરોના સંક્રમણના કેસ હાલમાં કંટ્રોલમાં છે. દૈનિક કેસમાં ઘટાડો જોવા મળી રહ્યો છે. કોરોનાની ત્રીજી લહેરનો ખતરો સતત જોવા મળી રહ્યો છે ત્યારે તમામ સાવચેતીના પગલા સરકાર લઈ રહી છે. આ સાથે સરકારે અપીલ કરી છે કે કોરોનાના ગંભીર પરિણામોથી બચવા માટે કોરોના વેક્સીનેશન કરાવો. સરકરાની કોશિશ છે કે જલ્દી તમામ આબાદીનું વેક્સીનેશન કરી લેવામાં આવે જેથી આવનારા નુકસાનને રોકી શકાય.  

શુક્રવારે સ્વાસ્થ્ય મંત્રાલયે આપી છે આ જાણકારી
કેન્દ્રીય સ્વાસ્થ્ય મંત્રાલયે શુક્રવારે કહ્યું કે દેશમાં 65.27 લાખથી વધુ લોકોને વેક્સીન લગાવવામાં આવી છે આ પછી ભારતમાં વેક્સીનેશનનો આંક 73 કરોડને પાર થયો છે. સરકારી રિપોર્ટમાં કહેવાયું છે કે 74,70,363 સેશનની મદદથી વેક્સીનેશનના 73 કરોડ ડોઝ અપાયા છે. 
 
18-44 એજ ગ્રૂપના 29 કરોડ લોકોને મળ્યો છે પહેલો ડોઝ 
ભારતમાં કુલ વેક્સીનેશનનો આંક  73,05,89,688 થઈ ચૂક્યો છે. 37 રાજ્યો અને કેન્દ્ર શાસિત પ્રદેશોમાં કુલ 18-44 વર્ષના   29,34,35,121 ને પહેલો ડોઝ અને કુલ  4,11,03,253 લોકોએ બીજો ડોઝ લઈ લીધો છે. તો  1,03,63,329 હેલ્થ વર્કર્સે પહેલો ડોઝ અને  85,70,340 વર્કર્સે બીજો ડોઝ પણ લઈ લીધો છે. 

શું છે ફ્રન્ટ લાઈન વર્કર્સની સ્થિતિ
દેશમાં ફ્રન્ટ લાઈન વર્કર્સની વાત કરીએ તો અત્યાર સુધીમાં  1,83,35,452 ને પહેલો ડોઝ મળ્યો છે તો  1,39,10,387એ બીજો ડોઝ પણ લઈ લીધો છે. આ સાથે 45-59 ગ્રૂપના  14,20,96,089 લોકોએ પહેલો અને  6,16,92,121 લોકોએ બીજો ડોઝ લીધો છે.  60 વર્ષથી વધારેની ઉંમરના 9,23,11,436 એ પહેલો ડોઝ અને 4,87,72,160 લોકોએ બીજો ડોઝ લઈ લીધો છે.