ધ ગ્રેટ ઇન્ડિયન લાફ્ટર ચેલેન્જ ફેમ સુનિલ પાલે થોડા દિવસો પહેલા મનોજ બાજપેયી માટે અપમાનજનક ટિપ્પણી કરી હતી. જે બાદ એક્ટરનો જોરદાર જવાબ આવ્યો છે.
સુનીલ પાલે મનોજ પર કરી કૉમેન્ટ
મનોજે આપ્યો સણસણતો જવાબ
ફેમિલીમેન પર કરી અભદ્ર કમેન્ટ
ફેમિલીમેન સિરીઝને ગણાવી પોર્ન
સુનિલ પાલે ફેમિલીમેન સિરીઝને પોર્ન ગણાવી હતી અને કહ્યું હતુ કે મનોજ નીચલી કક્ષાનો માણસ છે. તે વાતનો મનોજે જવાબ આપ્યો છે. એક્ટરે કહ્યું કે, હું સમજુ છુ લોકો પાસે કામ નથી હું સંપૂર્ણ રીતે સમજી ગયો પરંતુ આવી પરિસ્થિતિમાં લોકોએ મેડિટેશન કરવુ જોઇએ.
સુનીલે રાજ કુન્દ્રા કેસ પર કૉમેન્ટ કરી હતી અને તે જ સમયે મનોજને પણ આ કેસમાં ઘસેડ્યો હતો. તેણે કહ્યું કે, ઇન્ડસ્ટ્રી હંમેશા એવુ કરે છે. એક મોટો એક્ટર હોવા છતાં મનોજ બેશર્મીથી ધ ફેમિલીમેન જેવા શોઝ કરે છે અને અશ્લીલતા વધારે છે.
એક વાતચીત દરમિયાન પાલે કુન્દ્રાના અરેસ્ટ થયા બાદ કહ્યું હતુ કે જે થયુ તે થવાનું જ હતું. હું આવુ એટલા માટે કહી રહ્યો છુ કે મોટા લોકો ડિજીટલ પ્લેટફોર્મ પર સેન્સરશીપ ન હોવાનો ફાયદો ઉઠાવે છે અને આપત્તિજનક ભાષા સાથે શો બનાવી રહ્યાં છે.
મનોજ બાજપેયી ગમે તેટલા મોટા અભિનેતા હોય, મેં તેના કરતા વધારે નીચલી કક્ષાનો માણસ જોયો નથી. એક શોનો તમે હિસ્સો છો જ્યાં પત્નીનું અફેર ચાલી રહ્યું છે. સગીર દીકરી પોતાના પ્રેમી સાથે વાત કરી રહી છે અને નાનો દિકરો પોતાની એજ કરતા અલગ વ્યવહાર કરી રહ્યો છે.
આવો હોય એક પરિવાર? લોનાવલામાં શું થયુ તે પ્રશ્નએ લોકોને હેરાન કરી દીધા છે. હવે તમારી પાસે બતાવવા માટે શું છે.