કોરોના વાયરસને કારણે દેશમાં લોકડાઉન ચાલી રહ્યું છે. જેના કારણે સમગ્ર દેશ થંભી ગયું છે. લોકો ઘરમાં કેદ થઈ ગયા છે, ટ્રાન્સપોર્ટેશન ઠપ થઈ ગયું છે અને સરકારે લોકોને હાલ જ્યાં છે ત્યાં જ રહેવાની સલાહ આપી છે. એવામાં ઘણાં લોકો પોતાના ઘર અને વતનથી દૂર ફસાઈ ગયા છે. જેમાં બોલિવૂડ અભિનેતા મનોજ બાજપેયી અને દીપક ડોબરિયાલ પણ ઉત્તરાખંડમાં ફસાઈ ગયા છે.
હાલ દેશમાં લોકડાઉનને કારણે બધું થંભી ગયું છે
અનેક લોકો ઘરથી દૂર ફસાઈ ગયા છે
બોલિવૂડના બે જાણીતા અભિનેતા પણ આ જગ્યાએ ફસાઈ ગયા છે
એક રિપોર્ટ મુજબ, મનોજ બાજપેયી અને દીપક ડોબરિયાલ ઉત્તરાખંડથી દૂર એક અંતરિયાળ વિસ્તારમાં છે. બંને કલાકારો ત્યાં ફિલ્મના શૂટિંગ માટે ગયા હતા, પરંતુ અચાનક લોકડાઉનની ઘોષણા બાદ તેઓ ત્યાં ફિલ્મની કાસ્ટ અને ક્રૂ સાથે અટવાઈ ગયા. જોકે, બધાં ત્યાં સલામત છે. મનોજ બાજપેયીએ આ અંગે માહિતી આપી હતી.
એક સૂત્રથી મળતી માહિતી પ્રમાણે, તેમની પાસે ઘરે પાછા જવા માટે કોઈ સાધન નથી. સૂત્રએ કહ્યું- 'મનોજ બાજપેયી અને દિપક ડોબરિયાલ તેમની ફિલ્મનું શૂટિંગ કરી રહ્યા હતા. શૂટિંગને 4 જ દિવસ થયા હતા અને ત્યારબાદ કોરોના મહામારી ફેલાવવા લાગી. મનોજ પાસે પાછા મુંબઈ જવાનું કોઈ સાધન નહોતું. તેઓ છેલ્લા 3 અઠવાડિયાથી ઉત્તરાખંડમાં ફસાયેલા છે. જ્યાં સુધી લોકડાઉન નહીં હટે ત્યાં સુધી કંઈ થઈ શકશે નહીં. સદ્ભાગ્યે તેની પત્ની અને દીકરી તેની સાથે છે. દિપક ડોબરિયાલ ત્યાં એકલા છે. તેની પત્ની અને બાળકો મુંબઈમાં છે.