હરિયાણામાં આ વર્ષના અંતે જ વિધાનસભા ચૂંટણી યોજાવાની છે. સત્તા પક્ષ અને વિપક્ષ બંને જ ચૂંટણી તૈયારીમાં લાગી ગયા છે. ત્યારે સોશિયલ મીડિયા પર હરિયાણાના સીએમ મનોહર લાલ ખટ્ટરનો એક વીડિયો વાઇરલ થઇ રહ્યો છે. આ વીડિયોમાં સીએમ ખટ્ટર પોતાના જ કાર્યકર્તાઓ પર ગુસ્સા કરતા કહે છે કે 'ગરદન કાટ દુંગા તેરી'.
હરિયાણામાં આ વર્ષના અંતે જ વિધાનસભા ચૂંટણી
CM ખટ્ટરનો વીડિયો વાઇરલ થયો
કલમ-370 પર આપ્યું હતું વિવાદિત નિવેદન
વાત એમ છે કે, હરિયાણામાં વિધાનસભા ચૂંટણીને લઇને હરિયાણાના મુખ્યમંત્રી મનોહર લાલ ખટ્ટર (Manohar Lal Khattar) પૂર્ણ તૈયારી સાથે સતત બીજી વાર બીજેપીની સરકાર બનાવવામાં લાગી ગયા છે. આ માટે એમણે ઘણી સભાઓ યોજી ચૂક્યા છે. ત્યારે સોશિયલ મીડિયામાં હરિયાણાના સીએમ ખટ્ટરનો એક વીડિયો વાયરલ થઇ રહ્યો છે. જેમા એમણે પોતાના જ કાર્યકર્તા પર ગુસ્સે થતા દેખાઇ રહ્યા છે. વીડિયોમાં એક મંચ પર સીએમ ખટ્ટર પોતાના કાર્યકર્તાની તરફ ફરસી લઇને ગુસ્સામાં કહે છે કે, 'ગરદન કાટ દુંગા તેરી'. તેને લઇને વિપક્ષી પાર્ટી કોંગ્રેસે હુમલો કર્યો છે.
કોંગ્રેસ નેતા રણદીપ સિંહ સુરજેવાલાએ મનોહર લાલ ખટ્ટરના વીડિયોને શેયર કરી કટાક્ષ કર્યો. એમણે ટ્વિટ કરી કહ્યું કે, 'ગુસ્સો અને અહંકાર સ્વાસ્થ્ય માટે હાનિકારક છે. ખટ્ટર સાહેબને ગુસ્સો કેમ આવે છે? ફરસી લઇને પોતાના જ નેતાને કહે છે કે, 'ગરદન કાટ દૂંગા તેરી'. તો પછી જનતા સાથે શું કરશે ?
ग़ुस्सा और अहंकार सेहत के लिए हानिकारक हैं!
खट्टर साहेब को ग़ुस्सा क्यों आता है?
फरसा लेकर अपने ही नेता को कहते हैं -
"गर्दन काट दूंगा तेरी" ⬇️
વીડિયોમાં જોવા મળી રહ્યું છે કે ખટ્ટર લોકોને જાહેરમાં કહે છે કે ફરસી દુશ્મનોનો નાશ કરવા માટે છે. આ દરમિયાન પાછળ ઉભા રહેલા ભાજપના એક નેતાએ તેમને પરંપરાગત ટોપી પહેરવાનો પ્રયાસ કર્યો. જો કે, મુખ્યમંત્રી ખટ્ટરને ટોપી પહેરાવી, ત્યારે જ તેઓ ગુસ્સે ભરાયા અને ભાજપના નેતાની ગરદન કાપી નાંખવાની ધમકી આપી દીધી હતી.
કલમ- 370 હટાવાયા બાદ આવ્યા હતા ચર્ચામાં
આપને જણાવી દઇએ કે, ખટ્ટરે કાશ્મીરી વહુ વાળા નિવેદનને લઇને મોટો વિવાદ સર્જી દીધો હતો. કાશ્મીરમાંથી કલમ 370 હટાવાયા બાદ એક કાર્યક્રમમાં મનોહર ખટ્ટરે કહ્યું હતું કે, હવે હરિયાણાના લોકો પણ કાશ્મીરી વહુ લાવી શકશે. તેમણે કહ્યું અમારા મંત્રી ઓપી ધનખડ કહેતા હતા કે, બિહારમાંથી 'વહુ' લાવશે. આજકાલ લોકો કહી રહ્યા છે કે, કાશ્મીરનો રસ્તો સાફ થઇ ગયો છે હવે અમે કાશ્મીરની છોકરી લાવીશું.
"गर्दन काट दूंगा तेरी" अपने कार्यकर्ता के लिये ये भाषा क्या किसी संवैधानिक पद पर बैठे व्यक्ति को शोभा देती है?
हरियाणा के मुख्यमंत्री की ये भाषा अहंकार और भाजपाई घमंड का प्रतीक है। भाजपा ये न भूले कि इस देश में घमंड किसी का नहीं टिक पाया है। pic.twitter.com/Ut0rP3KQ4a