નિવેદન / 'કાશ્મીરી વહુ' વાળા નિવેદન પર હરિયાણાના CM ખટ્ટર ઘેરાયા, રાહુલ ગાંધીએ કરી નિંદા

શુક્રવારે એક કાર્યક્રમમાં મનોહર લાલ ખટ્ટર કહ્યું કે હવે હરિયાણાના લોકો પણ કાશ્મીરી વહુ લાવી શકે છે. એમણે કહ્યું કે, 'અમારા મંત્રી ઓપી ધનખડ કહેતા હતા કે તે બિહારથી 'વહુ' લાવશે. આજકાલ લોકો કહી રહ્યા છે કે કાશ્મીરનો રસ્તો સાફ થઇ ગયો છે. હવે આપણે કાશ્મીરથી છોકરીઓ લાવીશું'. 

ન્યૂઝ એજન્સી એએનઆઇ મુજબ મુખ્યમંત્રી ખટ્ટરે આ નિવેદન ફરીદાબાદમાં આયોજિત એક કાર્યક્રમમાં આપ્યું છે. ખટ્ટરે આગળ કહ્યું છે કે હરિયાણા લેંગિક અસમાનતાને લઇને બદનામ રહ્યું છે. લોકો કહેતા હતા કે બાળકીઓને અહીં મારી નાંખવામાં આવે છે. અમે બાળકીઓને બચાવવા માટે અભિયાન ચલાવ્યું છે. પહેલા 1000 બાળકોએ 850 બાળકીઓ હતી પરંતુ હવે બાળકીઓની સંખ્યા વધીને 933 થઇ ગઇ છે. પીએમ મોદીની તરફથી બીજેપી નેતાઓને આપવામાં આવી રહેલા શિસ્તતાના પાઠ વચ્ચે પણ આ પ્રકારના નિવેદન અપાઇ રહ્યા છે. 

Haryana CM, Khattar's comment on Kashmiri women is despicable and shows what years of RSS training does to the mind of a weak, insecure and pathetic man. Women are not assets to be owned by men. https://t.co/G0QM1LMuM9

— Rahul Gandhi (@RahulGandhi) August 10, 2019

આ નિવેદનને લઇને વિવાદ ઉભો થયો છે, સોશિયલ મીડિયા પર ખટ્ટર પર હુમલા થયા તો દિલ્હી મહિલા આયોગે નોટિસ ફટકારી છે. દિલ્હી મહિલા આયોગની અધ્યક્ષ સ્વાતી માલીવાલે કહ્યું કે, 'કેવા પ્રકારની મહિલા વિરોધી વિચારસરણી છે, તેથી સામાન્ય મહિલાઓની જેમ કાશ્મીરી યુવતીઓની ભાવનાને ઠેસ પહોંચે છે. 

કોંગ્રેસના નેતા રાહુલ ગાંધીએ પણ એમએલ ખટ્ટર પર હુમલો કર્યો. એમણે કહ્યું કે હરિયાણાના સીએમ ખટ્ટરનું કાશ્મીરી મહિલાઓ પર નિવેદન બતાવે છે કે આરએસએસની વર્ષોની ટ્રેનિંગથી વ્યક્તિ અસુરક્ષા, નિરાશા અને કમજોર માનસિકતા વાળી છે. મહિલાઓ સંપત્તિ જેમ નથી જેનો માલિક પુરુષ છે. કોંગ્રેસના સાંસદ પીએલ પુનિયાએ કહ્યું કે મુખ્યમંત્રી લાલ ખટ્ટરે આવી નિવેદનબાજી ન કરવી જોઇએ. જ્યારે ટીએમસીના મમતા બેનર્જીએ પણ મનોહર લાલ ખટ્ટરના નિવેદનની નિંદા કરી છે.

Dear @RahulGandhi ji, at least at your level, you shouldn’t react on distorted news. I’m attaching the video of what I actually said, and In what context - this will give you clarity of mind. https://t.co/TCjhV0cuiO pic.twitter.com/GfD3SWlETI

— Manohar Lal (@mlkhattar) August 10, 2019

મામલો આગળ વધતા સીએમ ખટ્ટરે ટ્વિટ કરી રાહુલ ગાંધીને જવાબ આપતા ખુદનો બચાવ કરવા લાગ્યા. ખટ્ટરે કહ્યું કે, 'રાહુલ ગાંધી આપે આવી ખોટા સમાચાર પર નિવેદન ન આપવા જોઇએ. આપની જાણકારી માટે પોતાના નિવેદનનો વીડિયો બતાવી રહ્યો છું. જેથી આપ સમજી શકો કે આ નિવેદન કયા સંદર્ભમાં આપવામાં આવ્યું છે.'

આ પહેલા ઉત્તર પ્રદેશથી બીજેપીના એક ધારાસભ્યે 'ગોરી કાશ્મીરી' છોકરી જેવા શબ્દોનો ઉપયોગ કર્યો હતો. એમણે કહ્યું હતું કે પાર્ટીના કાર્યકર્તા હવે 'ગોરી કાશ્મીરી' છોકરીઓ સાથે પણ લગ્ન કરી શકે છે. વર્ષ 2014માં બીજેપીના નેતા ઓપી ધનખડે કહ્યું હતું કે લેંગિક અનુપાતમાં છોકરીઓની સંખ્યા ઓછી હોવાને કારણે તે હરિયાણાના યુવકો માટે બિહારથી વહુ લાવશે.