શાહરૂખ ખાનનો દિકરો આર્યન ખાનને જામીન મળ્યા બાદ પણ એક રાત જેલમાં વિતાવવી પડી હતી. આર્યન શનીવારે મન્નત જશે અને વાપસીની ખુશીમાં મન્નતને સ્વર્ગની જેમ સજાવાયું છે.
મન્નતને સ્વર્ગની જેમ સજાવાયું છે
આર્યનની વાપસીની ખુશીમાં સજાવાયું ઘર
જામીનના સમાચાર સાંભળી ફસડાઇ પડી ગૌરી
શાહરૂખ ખાનના બંગલા મન્નતનો વીડિયો સોશ્યલ મીડિયા પર વાયરલ થઇ રહ્યો છે. બંગલાની સજાવટ જોઇને અંદાજો લગાવવામાં આવે છે કે આર્યન ખાનના આવવાની ખુશી છે. આર્યન છેલ્લા 26 દિવસથી જેલમાં બંધ છે. તેને 3 તારીખે ક્રુઝ પરથી ધરપકડ કરવામાં આવી હતી.
ફસડાઇ પડી હતી ગૌરી ખાન
પરિવારથી જોડાયેલા એક મિત્રએ જણાવ્યું કે, શાહરૂખને સલમાન, અક્ષય, સુનીલ દરેકે કોલ કર્યો હતો. ગૌરીને પણ પોતાની મિત્ર મહીપ કપૂર અને સીમા ખાને કોલ કર્યો હતો. જ્યારે તેને જામીન મળવાના સમાચાર મળ્યા તો ગૌરી જમીન પર ફસડાઇ પડી હતી. ગોઠણ પર બેસીને બે હાથ જોડીને પ્રાર્થના કરતી જોવા મળી હતી. તે ધ્રુસકે ને ધ્રુસકે રડી પડી હતી. સુહાના ખાને પણ આર્યનના UK USના મિત્રોને ફોન કરીને તેમના સપોર્ટ માટે આભાર માન્યો હતો.
મુંબઈ હાઈકોર્ટે આજે ડ્રગ્સ કેસમાં શાહરૂખ ખાનના છોકરા આર્યન ખાનને જામીન આપી દીધા છે. ગત 2 ઓક્ટોબરના રોજ રેવ પાર્ટીમાં એનસીબીએ તેની ધરપકડ કરી હતી. ત્યારબાદથી તેના જામીન માટે શાહરૂખ ખાન મથ્યો હતો. જોકે હવે તેને જામીન મળી ગયા છે. પરંતુ જામીન મળ્યા બાદ પણ આર્યન ખાને કોર્ટની 5 શરતોનું પાલન કરવું પડશે.
કઈ-કઈ શરતોનું પાલન કરવું પડશે
આર્યન ખાનને તેનો પાસપોર્ટ સ્પેશ્યલ કોર્ટમાં જમા કરાવવો પડશે.
તે સાક્ષીઓને ઉકસાવી નહી શકે સાથેજ પુરાવાઓ સાથે પણ તે કોઈ છેડછાડ નહી કરી શકે.
આર્યન તેની સાથે ઝડપાયેલા અન્ય આરોપીઓ સાથે કોઈ પણ સંજોગોમાં વાત નહી કરી શકે.