ટીમ ઇન્ડિયાના મિડલ ઓર્ડર બેટ્સમેન મનીષ પાંડે જલ્દીથી પોતાની નવી લાઇફ શરૂ કરવા જઇ રહ્યો છે. જી હા, મનીષ પાંડેને લાઇફ પાર્ટનર મળી ગઇ છે. ટેલેન્ટેડ ક્રિકેટર તરીકેનો છબી ધરાવતો મનીષ પાંડે જલ્દીથી લગ્નના બંધનમાં બંધાવા જઇ રહ્યો છે. આ વાતની જાહેરાત થઇ ગઇ છે કે એક બ્યુટીફૂલ એક્ટ્રેસ તેની દુલ્હન બનશે.
સાઉથ ઇન્ડિયાન એક્ટ્રેસ અશ્રિતા શેટ્ટી સાથે કરશે લગ્ન
લગ્નની ડેટ થઇ ફિક્સ:
30 વર્ષીય મનીષ પાંડેની એક સાઉથ ઇન્ડિયાન એક્ટ્રેસની સાથે લગ્ન કરશે. મનીષ પાંડેના લગ્નની તારીખ પણ નક્કી થઇ ગઇ છે. . કહેવામાં આવી રહ્યું છે કે મનીષ પાંડે હાલમાં વિજય હજારે ટ્રોફીમાં કર્ણાટકની ટીમમાં કેપ્ટનશિપ કરી રહ્યો છે. આ પહેલા તે વેસ્ટ ઇન્ડિઝ પ્રવાસ માટે ટીમ ઇન્ડિયા સાથે હતો. આ ઉપરાંત સાફથ આફ્રિકા વિરુદ્ઘ T-20 ટીમનો ભાગ લીધો.
IPL માં સૌથી વધારે સેન્ચુરી ફટકારનાર મનીષ પાંડે આ વર્ષે 2 ડિસેમ્બરના મુંબઇમાં સાઉથ ઇન્ડિયન એક્ટ્રેસ અશ્રિતા શેટ્ટી સાથે લગ્ન કરવા જઇ રહ્યો છે. પાછલા ઘણા સમયથી અફવા ઉઠી હતી કે અશ્રિતા અને મનિષ પાંડે વચ્ચે રિલેશનશીપ છે, પરંતુ બંનેની લગ્નની તારીખ ઔપચારિક રીતે નક્કી થઇ ગઇ છે.
ઉલ્લેખનીય છે કે, મનીષ અને અશ્રિતાના લગ્નમાં નજીકના સંબંધી અને મિત્રો હાજર રહેશે. 2 દિવસ સુધી મુંબઇમાં લગ્નના ફંક્શન ચાલશે. મનીષ પાંડેએ ડિસેમ્બરમાં પોતનાના લગ્નનું શેડ્યૂલ રાખ્યુ છે કે, કેમકે આ દરમિયાન ટીમ ઇન્ડિયા મુંબઇમાં હશે જેથી તેઓ લગ્નમાં હાજર રહી શકે.
અશ્રિતા શેટ્ટી સાઉથ ઈન્ડિયન ફિલ્મ ઈન્ડસ્ટ્રીનો મોટો ચહેરો છે. 26 વર્ષીય અશ્રિતા સાઉથની મોટી ફિલ્મ Indrajith, Oru Kanniyum Moonu Kalavaanikalum और Udhayam NH4 કામ કરી ચૂકી છે.