ના હોય! / INDvsSL : શ્રીલંકા સામેની બીજી મેચમાં આ ખેલાડીનું પત્તુ કપાવાની પૂરેપૂરી સંભાવના, જાણો કોને મળશે તક 

• બીજી મેચમાં પાંડેના સિલેક્શન પર અટકળો 
• પ્રથમ મેચમાં ભુવનેશ્વર કુમારનું સાધારણ પ્રદર્શન
• પાંડે માટે આ સિરીઝ ખૂબજ અગત્યની 

પ્રથમ મેચમાં ભારતને મળી એકતરફી જીત 

શિખર ધવનની આગેવાનીમાં ભારતની યુવા ટીમે ત્રણ મેચની સિરીઝની પ્રથમ મેચમાં શ્રીલંકાને 7 વિકેટથી હરાવ્યું હતું. આ મેચમાં ટીમના પ્રત્યેક બેટ્સમેને ખૂબ જ સારું પ્રદર્શન કર્યું હતું. કપ્તાન શિખર ધવનની સાથે સાથે ઓપનિંગ બેટ્સમેન પૃથ્વી શૉ અને ઇશાન કિશને પણ ખૂબ જ સારી બેટિંગ કરી હતી પરંતુ એક એવો ખેલાડી પણ છે કે જેના માટે આ મેચ સારી નહોતી ગઈ અને આજની બીજી મેચમાં તેનું પત્તું કપાઈ પણ શકે છે.

 

 

 

 

View this post on Instagram

 

 

 

 

 

 

 

 

 

 

 

A post shared by Manish Pandey 🇮🇳🙏🏻 (@manishpandeyinsta)

મનીષ પાંડેને બદલે નીતિશ રાણાને મળી શકે છે તક 

જ્યાં એકબાજુ બધા ખેલાડીઓએ સારું પ્રદર્શન કર્યું છે ત્યાં બીજીબાજુ ટીમના અનુભવી બેટ્સમેન મનીષ પાંડેએ ફરીથી નિરાશ કર્યા છે. પહેલી મેચમાં પાંડે 40 બોલ પર માત્ર 26 રન બનાવીને આઉટ થઈ ગયો હતો. પાંડે માટે આ સિરીઝ ભારતની વન-ડે ટીમમાં પોતાનું સ્થાન પાછું મેળવવવા માટે પણ ખૂબ જ જરૂરી છે. તે એકમાત્ર બેટ્સમેન હતો કે જેનું આ મેચમાં પ્રદર્શન સારું નહોતું તેવામાં  બીજી મેચમાં મનીષ પાંડેની બદલે ટીમમાં નીતિશ રાણાને જગ્યા મળી શકે છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Manish Pandey 🇮🇳🙏🏻 (@manishpandeyinsta)

પ્રથમ મેચમાં ભુવનેશ્વર કુમારનું સાધારણ પ્રદર્શન

ભારતની બોલિંગની વાત કરીએ તો, ભારતની શાનદાર બોલિંગે શ્રીલંકાના બેટ્સમેનોને રન મારવા માટે સહેજ પણ તક આપી નહોતી. કુલદીપ યાદવ, યુજવેન્દ્ર ચહલ અને દિપક ચહરે ભારત માટે 2-2 વિકેટ ઝડપી હતી પરંતુ ટીમના સિનિયર બોલર અને ઉપકપ્તાન ભુવનેશ્વર કુમારનું પ્રદર્શન સાધારણ રહ્યું હતું. ભારતની ટીમમાં જગ્યા મેળવવા ભુવનેશ્વર કુમાર માટે આ સિરીઝમાં સારું પ્રદર્શન કરવું ખૂબ જ અગત્યનું છે. ભુવનેશ્વરે પ્રથમ મેચમાં 9 ઓવર્સમાં 63 રન આપીને એક પણ વિકેટ લીધી નહોતી. બીજી મેચમાં ભુવનેશ્વર પોતાનું પ્રદર્શન સુધારવાનો પ્રયત્ન કરશે.