મણિપુરના કાર્યવાહક મુખ્યમંત્રી એન. બિરેન સિંહને આજે ઇમ્ફાલમાં યોજાયેલ મણિપુર ભાજપ ધારાસભ્ય દળની બેઠકમાં સર્વસંમતિથી રાજ્યના મુખ્યમંત્રી તરીકે ચૂંટવામાં આવ્યાં. આ સાથે જ એન. બિરેન સિંહ બીજી વખત રાજ્યના મુખ્યમંત્રી બનશે.
મણિપુરમાં CM તરીકે એન. બિરેન સિંહની નિમણૂંક
ભાજપ ધારાસભ્ય દળની બેઠકમાં લેવાયો નિર્ણય
32 બેઠકો જીતીને ભાજપે સત્તામાં વાપસી કરી
આ દરમિયાન નાણામંત્રી નિર્મલા સીતારમણે કહ્યું કે, આ ખૂબ જ સારો નિર્ણય છે, તે સુનિશ્ચિત કરશે કે મણિપુરમાં એક સ્થિર અને જવાબદાર સરકાર છે જે વધુ નિર્માણ કરશે કારણ કે કેન્દ્ર PM મોદીના નેતૃત્વમાં પૂર્વોત્તર રાજ્યો પર વિશેષ ધ્યાન આપે છે.
Manipur's acting CM N Biren Singh unanimously elected as the Chief Minister of the State in the Manipur BJP legislature party meeting, in Imphal today. pic.twitter.com/KU57xu5nW6
તમને જણાવી દઈએ કે, આજે કેન્દ્રીય નાણામંત્રી નિર્મલા સીતારમણ અને કેન્દ્રીય કાયદા અને ન્યાય મંત્રી કિરણ રિજિજુ મણિપુરના નવા ચૂંટાયેલા બીજેપી ધારાસભ્યો સાથેની બેઠકમાં ભાગ લેવા માટે રવિવારે ઈમ્ફાલ પહોંચ્યા હતા. મણિપુરમાં વિધાનસભા પક્ષના નેતાની ચૂંટણી માટે સીતારમણને કેન્દ્રીય નિરીક્ષક અને રિજિજુને સહ-નિરીક્ષક તરીકે નિયુક્ત કરવામાં આવ્યા હતા. આ સિવાય કેન્દ્રીય શ્રમ મંત્રી ભૂપેન્દ્ર યાદવ, બીજેપીના રાજ્યસભાના સભ્ય લૈશ્મ્બા સનાજોબા અને પાર્ટીના રાષ્ટ્રીય પ્રવક્તા સંબિત પાત્રા પણ ઈમ્ફાલ પહોંચ્યા હતાં.
#WATCH | BJP central observers Nirmala Sitharaman, Kiren Rijiju and other BJP MLAs felicitate the unanimously elected Chief Minister of Manipur N Biren Singh in Imphal. pic.twitter.com/2vfgco20SZ
મણિપુરની 60 સભ્યોની વિધાનસભામાં ભાજપે 32 બેઠકો જીતીને સત્તામાં વાપસી કરી છે. કોંગ્રેસ માત્ર પાંચ બેઠકો પર જ સમેટાઇ ગઇ. એ સિવાય, NPPને 7, NPFને 7 અને અન્યના ખાતામાં 11 બેઠકો ફાળે આવી છે. તમને જણાવી દઈએ કે, છેલ્લી ચૂંટણી 2017માં ભાજપ સીટોના મામલામાં કોંગ્રેસ બાદ બીજા નંબરની પાર્ટી હતી. તેમ છતાં તેને કોંગ્રેસના ચૂંટાયેલા સભ્યોને સાથે લઈને સરકાર બનાવી દીધી અને એન.બિરેન સિંહ રાજ્યના મુખ્યમંત્રી બની ગયા હતાં.