કેરી ખાયા બાદ છોતરાં ફેંકજો નહીં! કેરીની છાલનો ઉપયોગ સ્કીનને ચમકાવવા અને ટેનિંગ દૂર કરવા માટે કરી શકો છો. જાણી લો પદ્ધતિ.
કેરીની છાલનાં પણ છે અનેક ફાયદા
છોતરાનો ઉપયોગ સ્કીનની ટેનિંગ દૂર કરવા કરી શકાય છે
છાલની પેસ્ટ બનાવી ચહેરા પર લગાવવાથી સ્કીન ચમકશે
ગરમીની સિઝનમાં કેરીઓ ખાવાનો લાહવો અનેરો હોય છે ત્યારે આપણે કેરીનાં છોતરાંને ફેંકી દઈએ છીએ. શું તમે જાણો છો કે આ કેરીનાં છોતરાનો ઉપયોગ કરીને તમે તમારી સ્કીન ચમકાવી શકો છો? ટેનિંગથી લઈને દાગ ભગાડવા માટે કેરીનાં છોતરાં અકસીર છે.
દાગ-ધબ્બા થશે દૂર
જો તમારી સ્કીન પર ઘણાં દાગ ધબ્બાઓ છે અને તમે એ દૂર કરવા ઈચ્છો છો તો કેરીનાં છોતરાનો ઉપયોગ કરવો જોઈએ. તેને ચહેરા પર લગાડવા માટે પહેલાં મિક્સરમાં તેને પીસી લેવું અને પછી ચહેરા પર એ માસ્કને 5 મિનીટ સુધી લગાડીને રાખવું. હવે ચહેરાને પાણીથી સાફ કરી દેવું.
સ્ક્રબિંગ કરો
તમે કેરીની છાલથી સ્ક્રબ પણ બનાવી શકો છો. આ સ્ક્રબ બનાવવા માટે કેરીની છાલને પીસી લેવું અને પછી તેમાં કોફી પાઉડર ઊમેરવો. હવે આ સ્ક્રબને ચહેરા અને શરીર પર સારીરીતે લગાવવું અને સર્ક્યુલર મોશનમાં મસાજ કરી ધોઈ દેવું.
ટેનિંગ દૂર કરવા ઉપયોગી
કાળજાળ ગરમીમાં બહાર નિકળવાની સાથે જ સ્કિન દાઝવા લાગે છે અને ટેનિંગ થવા માંડે છે ત્યારે આંબાનાં એટલે કે કરીનાં છોતરાં તમારા માટે ઉપયોગી સાબિત થઈ શકે છે. કેરીની છાલને પીસીને પેસ્ટ બનાવી લેવી. પછી તેમાં એક ચમચી દહીં મિક્સ કરીને પેસ્ટને ટેનિંગવાળી સ્કીન પર લગાવવાથી થોડા સમયમાં ટેનિંગ દૂર થઈ જશે.