વાયરલ / હિજાબ વિવાદ વચ્ચે વધું એક વીડિયો વાયરલ, ક્લાસમાં વિદ્યાર્થીઓ નમાજ અદા કરતા હોવાનો આરોપ

• કર્ણાટકમાં હિજાબ વિવાદ બાદ એક વીડિયો વાયરલ
• શાળામાં નમાજ પઢતા હોવાનો વીડિયો વાયરલ
• ધોરણ 5 અને 7ના છે આ વિદ્યાર્થીઓ

કર્ણાટકમાં કોલેજોમાં ડ્રેસ કોડ લાગૂ કરવાની વચ્ચે હિજાબ પહેરવાને લઈને વિવાદ વચ્ચે વધું એક વીડિયો સોશિયલ મીડિયા પર વાયરલ થઈ રહ્યો છે. સામે આવેલી જાણકારી અનુસાર વીડિયો ક્લિપમાં અમુક મુસ્લિમ વિદ્યાર્થીઓ ક્લાસની અંદર નમાજ પઢતા હોવાનું કહેવાય છે. આ વીડિયો કબાડા તાલુકાના અંકાથાડકાની સરકારી શાળાનો છે. આ જગ્યા મેંગલુરૂથી લગભગ 50 કિમી દૂર છે. 

ધોરણ 5 અને 7ના વિદ્યાર્થીઓએ નમાજ પઢી

એક રિપોર્ટમાં જણાવ્યા અનુસાર વાયરલ થઈ રહેલા આ વીડિયો 4 ફેબ્રુઆરીનો છે. જે વિદ્યાર્થીઓએ નમાજ પઢી છે, તે પાંચમા અને સાતમા ધોરણના છે. વીડિયો વાયરલ થયા બાદ અમુક સ્થાનિક લોકોએ વાંધો ઉઠાવ્યો હતો. ત્યાર બાદ આખો મામલો સામે આવ્યો હતો. માહિતી મળતા શિક્ષણ વિભાગના અધિકારીઓ શુક્રવારે શાળાએ પહોંચ્યા હતા.

Students offering Friday #Namaz inside a govt school in Kadaba #Mangalore #Karnataka has gone viral with objections coming from certain quarters how this was allowed.
BEO has sought a detailed report from the management. pic.twitter.com/CrSRFGT2iI

— Imran Khan (@KeypadGuerilla) February 12, 2022

શિક્ષકોને જાણકારી નહોતી

પ્રાપ્ત વિગતો અનુસાર જોઈએ તો, શુક્રવારે શિક્ષકોએ ક્લાસમાં નમાજ પઢવાની જાણકારી મળી નહોતી. બાદમાં જાણકારી મળ્યા બાદ શિક્ષકોએ ક્લાસમાં રહેલા અમુક વિદ્યાર્થથીઓને ધાર્મિક ક્રિયાકલાપોથી દૂર રહેવાનું કહ્યું હતું.

16 તારીખ સુધી શાળા કોલેજમાં રજાઓ

આપને જણાવી દઈએ કે, કર્ણાટક સરકારે શુક્રવારે કહ્યું હતું કે, હિજાબ વિવાદને ધ્યાને રાખીને રાજ્યમાં હાઈર સેકેન્ડરી સ્કૂલ અને કોલેજોમાં રજાઓ જાહેર કરીને 16 ફેબ્રુઆરી સુધી કરી દીધી છે. રાજ્યના શિક્ષણમંત્રી સીએન અશ્વથ નારાયણે એક નિવેદનમાં જણાવ્યું હતું કે, પરીક્ષાઓ જો કે, નિર્ધારિત સમયે જ થશે અને ઓનલાઈન ક્લાસ ચાલુ રાખવાના નિર્દેશો આપ્યા છે.