કર્ણાટકના મેંગલુરૂ એરપોર્ટ પરથી સેન્ટ્રલ ઇન્ડસ્ટ્રીયલ સિક્યુરિટી ફોર્સ (સીઆઈએસએફ) ને એક લેપટોપ બેગમાંથી આઇ.ઇ.ડી.મળી આવતા દોડધામ મચી જવા પામી હતી.
મેંગલુરૂ એરપોર્ટ પરથી મળ્યો જીવતો બોમ્બ
સ્થાનિક સુરક્ષા બંદોબસ્ત થયો કડક
એક શંકાસ્પદ વ્યક્તિએ લેપટોપ બેગ એરપોર્ટમાં મુકી
સીઆઈએસએફના ડીઆઈજી અનિલ પાંડેએ જણાવ્યું હતું કે, અમને મેંગલુરૂ એરપોર્ટ પર ટિકિટ કાઉન્ટર પર બેગમાંથી ઇમ્પ્રુવ્લિસ્ડ એક્સપ્લોઝિવ ડિવાઇસ (આઈઈડી) ના પુરાવા મળ્યા હતા. જેને સુરક્ષિત રીતે એરપોર્ટની બહાર લઈ જવામાં આવ્યો હતો.
પોલીસે જાહેર કર્યા CCTV
ડીઆઈજી અનિલ પાંડેએ જણાવ્યું હતું કે સીસીટીવી ફૂટેજ મુજબ, એક શંકાસ્પદ વ્યક્તિએ લેપટોપ બેગ મેંગલુરૂ એરપોર્ટ પર મૂકી હતી અને તે ચહેરો છૂપાવીને ઓટોમાં જતા જોવા મળ્યો હતો.
Karnataka: Mangaluru Police releases photographs of suspect and the autorickshaw he was seen leaving in, in the CCTV footage. A suspicious bag was found at Mangaluru Airport today. https://t.co/9X3seeADZCpic.twitter.com/NKeak3rwnz
એરપોર્ટની સુરક્ષામાં તૈનાત સેન્ટ્રલ ઇન્ડસ્ટ્રીયલ સિક્યુરિટી ફોર્સ (સીઆઈએસએફ) એ આ વિસ્તાર કોર્ડન કરી લીધો હતો. પોલીસ ટીમ સાથે મેંગલુરૂ પોલીસ કમિશનર પી.એસ. હર્ષ પણ એરપોર્ટ પર પહોંચ્યા હતા. બોમ્બ નિરોધક ટુકડીએ સર્ચ ડોગ અને મેટલ ડિટેક્ટરની મદદથી એક વિશાળ સર્ચ ઓપરેશન શરૂ કર્યું હતું.
લેપટોપ બેગમાંથી મળી આવેલા બોમ્બને સલામત રીતે એરપોર્ટ પરથી બહાર કાઢવામાં આવ્યો હતો અને બાદમાં બોમ્બ ડિસ્પોઝલ યુનિટ દ્વારા તેને ડિફયુઝ કરવામાં આવ્યો હતો. મળી આવેલો બોમ્બ તે ઓછી-તીવ્રતાવાળા ઇમ્પ્રુવાઈઝ્ડ વિસ્ફોટક ઉપકરણ (આઈઈડી) છે.