ધર્મ / આ આઠ રાશિના જાતકો ચેતી જજો! બે મહિના સુધી આવશે સમસ્યાઓ, મંગળના કારણે વધ્યું ટેન્શન

• ઉચ્ચ શિક્ષા માટે પ્રયત્ન કરી તુલા રાશિના લોકો માટે આ સમય સારો
• વૃશ્ચિક રાશિના જાતકોએ સ્વાસ્થ્યનુ વિશેષ ધ્યાન રાખવુ
• કુંભ રાશિના જાતકોએ આર્થિક તંગીનો સામનો કરવો પડી શકે છે 

ગ્રહોના સેનાપતિ મંગળે આજ સવારે મિથુન રાશિમાં પ્રવેશ કર્યો છે. હવે મંગળ અહીં 10 મે 2023 સુધી બિરાજમાન રહેશે. જ્યોતિષ શાસ્ત્રમાં મંગળને ઉર્જા, ભાઇ, ભૂમિ, શક્તિ, સાહસ, પરાક્રમ, શોર્યના કારક ગ્રહ માનવામાં આવે છે. જ્યોતિષ શાસ્ત્રીનુ કહેવુ છે કે, મંગળ ગ્રહનું મિથુન રાશિમાં ગોચર અમુક રાશિઓ માટે લાભદાયી છે. જ્યારે અમુક રાશિઓને મુશ્કેલી પડી શકે છે. તો આવો જાણીએ કે મંગળનું આ રાશિ પરિવર્તન ક્યા જાતકોની મુશ્કેલી વધારી શકે છે....

વૃષભ રાશિઃ મંગળનું મિથુન રાશિમાં ગોચર તમને મુશ્કેલીમાં મૂકી શકે છે. તમારે તમારી વાણી પર સંયમ રાખવો પડશે. અચાનકથી જીવનમાં ઉતાર ચઢાવનો સામનો કરવો પડી શકે છે. સ્વાસ્થ્યનુ વિશેષ રીતે ધ્યાન રાખવુ પડશે. પૈતૃક સંપત્તિને લઇ વાદ-વિવાદ થઇ શકે છે. માનસિક તણાવ અથવા ડિપ્રેશન જેવી સમસ્યાઓ તમને ઘેરી શકે છે. 

મિથુન રાશિઃ મંગળનુ આ ગોચર મિથુન રાશિના લગ્ન ભાવમાં હોવાથી આ રાશિઓના જાતકોએ વ્યવહારમાં સંયમ રાખવો પડશે. લડાઇ-ઝઘડા કે વાદ-વિવાદથી ખુદને દૂર રાખવાનો પ્રયત્ન કરો, બિઝનેસમાં પાર્ટનરશિપથી બચો. આ દરમિયાન પ્રોપર્ટીમાં ઇન્વેસ્ટ કરવાની ભૂલ ન કરો. નુકશાન થવાની સંભાવના છે. 

કર્ક રાશિઃ મંગળનું આ ગોચર કર્ક રાશિમાં 12માં ભાવમાં થાય છે. મંગળની દિશા કર્ક રાશિવાળા માટે શુભ નથી. તમારા ખર્ચમાં વધારો કરી શકે છે. શરીરમાં થાક અને ભાગદોડ કરવી પડી શકે છે. રોગ બીમારીથી બચો, અજાણ્યા લોકો સાથે પૈસાનો વ્યવહાર ના રાખો. 

તુલા રાશિઃ મંગળનુ આ ગોચર તુલા રાશિવાળા લોતોના જીવનમાં પણ ઉતાર-ચડાવ આવી શકે છે. કાર્ય-વ્યપારમાં અવરોધ આવી શકે છે. આ સમયે અજાણી વ્યક્તિ પર વિશ્વાસ ન કરો, જો કે ઉચ્ચ શિક્ષા માટે પ્રયત્ન કરી રહેલા લોકો માટે આ સમય સારો છે. 

વૃશ્ચિક રાશિઃ મંગળના મિથુન રાશિમાં આવ્યા બાદ વૃશ્ચિક રાશિના જાતકોએ સંભાળીને રહેવાની સલાહ આપવામાં આવે છે. તમારે સ્વાસ્થ્યનુ વિશેષ ધ્યાન રાખવુ પડશે. લાંબી યાત્રા પર જવાનું ટાળો. ચોર-લૂટથી સાવધાન રહેવુ. સાસરી પક્ષની સાથે સંબંધ બગડી શકે છે, સંબંધીઓ સાથે અનબન થઇ શકે છે. 

ધન રાશિઃ ધન રાશિવાળા દાંપત્ય જીવનમાં સમસ્યાઓ આવી શકે છે. વૈવાહિક જીવનમાં મતભેદ આવી શકે છે. વ્યાપારી વર્ગના જાતકોએ સાવધાની સાથે કાર્ય કરવું. દરેક નિર્ણય સમજી વિચારીને લેવો, આજથી 45 દિવસો સુધી કોઇ પણ ખોટો નિર્ણય ન લો તેનુ વિશેષ ધ્યાન રાખો. 

કુંભ રાશિઃ મંગળ ગોચર બાદ કુંભ રાશિવાળાના વિભિન્ન પ્રકારના પડકારનો સામનો કરવો પડી શકે છે. પ્રેમ સંબધીત વાતમાં મુશ્કેલીઓ વધી શકે છે. વાણી પર નિયંત્રણ ન રહેવાથી સંબંધમાં ખટાશ આવી શકે છે. મિત્રો અને સંબંધીઓની સાથે સંબંધ ખરાબ થઇ શકે છે. આર્થિક તંગીનો સામનો કરવો પડી શકે છે. 

મીન રાશિઃ મીનરાશિના જાતકો માટે મંગળનુ આ ગોચર ચોથા ભાવમાં હોવા જઇ રહ્યુ છે. તેવામાં તમારા પરિવારમાં ક્લેશ થવાની સંભાવના છે. માનસિક તણાવ વધી શકે છે. મન અશાંત રહી શકે છે. વડીલોના સ્વાસ્થ્યનું વિશેષ ધ્યાન રાખો. રુપિયા-પૈસા બાબતે કોઇ નિર્ણય ઝડપથી ન લેશો.