તંગદિલી / માણેકચોકના ખાણી-પીણી બજારમાં અડધી રાતે એવું થયું કે બજાર બંધ કરવું પડ્યું

માણેકચોકની માંડવીની પોળમાં ત્રણ યુવકો ટ્રાફિકને લઈ કોઈ કારણસર ખુલ્લેઆમ ધમકી આપતા હતા, જેથી ગઇ કાલે રાતે બે પક્ષ વચ્ચે બોલાચાલી અને મારામારી થઈ હતી, જેમાં કોઈ જાનહા‌િન થઈ ન હતી, પરંતુ તેમણે સ્ટમ્પ અને લાકડીના ડંડા વડે સમગ્ર માણેકચોકને માથે લીધું હતું. આ ઘટનાના પગલે  ટપોટપ માણેકચોક બંધ થઇ ગયું હતું. 

આ દરમિયાન પોલીસે ઘટનાસ્થળે પહોંચીને સમગ્ર મામલો થાળે પાડ્યો હતો અને માણેકચોકનું ખાણી-પીણી બજાર બંધ કરાવી દીધું હતું તથા સ્થિતિ પર કાબૂમાં મેળવી લીધો હતો અને સમગ્ર વિસ્તારમાં પોલીસ કાફલો ખડકી દેવાયો હતો.

સૂત્રોના જણાવ્યા મુજબ પોલીસ ટીમ રાઉન્ડમાં જતાં માણેકચોકમાં પથ્થરમારો થતાં પ‌િરસ્થિતી વણસી હતી. માણેકચોક તાત્કાલિક બંધ કરાવી દેવામાં આવ્યું હતું. મોડી રાત સુધી પોલીસ દ્વારા કો‌િમ્બંગ કરવામાં આવ્યું હતું. આ બનાવમાં એક વ્યક્તિની ધરપકડ કરવામાં આવી હતી.