એક્ટ્રેસ મંદિરા બેદી સોશિયલ મીડિયા પર ઘણી જ એક્ટિવ રહે છે. તે પોતાની ફિટનેસ અને ફિગરને લઈને ચર્ચામાં રહે છે. તે સોશિયલ મીડિયા પર વર્કઆઉટના ઘણાં વીડિયો શેર કરતી હોય છે. મંદિરા પણ હાલ સેલ્ફ ક્વોરંટાઈનમાં છે. થોડાં દિવસ પહેલાં જ મંદિરાને પેનિક એટેક આવ્યો હતો.
હાલમાં જ એક ઈન્ટરવ્યૂમાં એક્ટ્રેસ મંદિરાએ જણાવ્યું કે, વર્તમાન સમયમાં ફેલાયેલી નેગેટિવિટીને કારણે તેણે થોડાં દિવસ પહેલાં જ પેનિક એટેક આવ્યો હતો. આ એક્ટ્રેસ કહ્યું- હું વુમન ક્રિકેટ વર્લ્ડ કપ માટે ઓસ્ટ્રેલિયામાં હતી અને 9 માર્ચે પરત આવી અને તરત જ સેલ્ફ ક્વોરંટાઈનમાં જતી રહી હતી. પછી હું દિવસો ગણવા લાગી કારણ કે કોરોના વાયરસનો ચેપ લાગ્યો હોવાના લક્ષણો 14 દિવસમાં ખબર પડે છે.
વધુમાં મંદિરાએ કહ્યું, હું પરેશાન, ગભરાયેલી અને ડરી ગઈ હતી અને હું ત્યાં સુધી કામ કરતી રહી જ્યાં સુધી મને ચિંતાને કારણે અસ્થમાનો એટેક ન આવ્યો. તેણે કહ્યું આ ઘટના એક રાત પહેલાંની છએ જ્યારે મેં છેલ્લીવાર કોઈકને ખાંસી ખાતા અને આ બાબતોને ગંભીરતાથી ન લેનાર લોકોનો વીડિયો જોયો હતો. આ નકારાત્મક અને નિરાશાજનક હતું. પછી હું સવારે 5.30 વાગ્યે ગભરાઈને ઉઠી ગઈ.