રાજનીતિ / ગાંધીનગર મનપાની ચૂંટણીમાં ફોર્મ ભરવાની છેલ્લી તારીખે કોંગ્રેસે આ રીતે આપ્યા ઉમેદવારોને મેન્ડેટ

• કોંગ્રેસ ઉમેદવાર ઉર્પલ જોશીનું નિવેદન 
• ઉમેદવાર ન મળતા હોવાના આક્ષેપ ખોટા 
• કોની પસંદગી કરવી એ કોંગ્રેસનો પ્રશ્ન

ગાંધીનગર મનપામાં કોંગ્રેસે બારોબાર મેન્ડેટ આપી દીધા છે. પહેલી યાદી જાહેર કર્યા બાદ કોંગ્રેસે બાકીના ઉમેદવારોને ફોન દ્વારા જાણ કરીને ફોર્મ ભરવા માટેના મેન્ડેન્ટ આપ્યા છે. જાહેર થયેલા 15 ઉમેદવારોને ડાયરેક્ટ મેન્ડેટ મોકલાયા છે. બળવાની સ્થિતી ટાળવા કોંગ્રેસે વધુ એકવાર નામ જાહેર કર્યા નથી. 

ગાંધીનગર વોર્ડ-9ના કોંગ્રેસ ઉમેદવાર ઉર્પલ જોશીએ નિવેદન કર્યું કે, કોંગ્રેસને ઉમેદવાર ન મળતા હોવાના આક્ષેપ ખોટા છે. કોની પસંદગી કરવી અને કોની નહીં એ કોંગ્રેસનો પ્રશ્ન છે.ટિકિટ ન મળતા અનેક કાર્યકરો નારાજ છે. ભાજપે ભ્રષ્ટાચારને કારણે નો-રિપીટ થિયરી અપનાવી છે. સાથે ઉર્પલ જોશીએ કહ્યું કે, ગાંધીનગરમાં પ્રાથમિક સુવિધાઓના અનેક પ્રશ્નો છે. નવું સીમાંકન હોવા છતાં કોંગ્રેસને લાભ મળશે. અને કોંગ્રેસ 44માંથી 35 બેઠકો જીતવામાં સફળ થશે.

• વોર્ડ નં-1માં ભાવના પરમાર,સુમિતા પટેલની પસંદગી
• વોર્ડ નં-1માં ભાવેશ દેસાઇ,રાજેન્દ્ર ચાવડાની પસંદગી
• વોર્ડ-4માં લલીતાબેન ઠાકોર, રાકેશ વસૈયા,હસમુખ મકવાણાને ટિકિટ
• વોર્ડ-5માં વૃંદાકુમારી પુરોહિત,બ્રિજરાજ ગોહિલ,અરવિંદ પટેલને ટિકિટ
• વોર્ડ-6માં મંજુલા ઠાકોર,વર્ષાબેન ઝાલાને ટિકિટ
• વોર્ડ-6માં ચીમન વિઝુંડા,રજનીકાંત પટેલની પસંદગી
• વોર્ડ-10માં ભારતી પટેલ,કિરણસિંહ પરમાર,મુકેશ શાહને ટિકિટ

કોંગ્રેસ પ્રદેશ પ્રભારી રાજીવ સાતવની ગુજરાતમાં એન્ટ્રી બાદ નામો જાહેર

સ્થાનિક સ્વરાજ્યની ચૂંટણીમાં કોંગ્રેસની કારમી હાર થઇ છે. ત્યારે આ હાર બાદ પ્રભારી રાજીવ સાતવ ગઈકાલે અમદાવાદ પહોંચ્યા હતા. પ્રભારી રાજીવ સાતવે જિલ્લા પ્રમુખો અને ઉપપ્રમુખો સાથે બેઠક કરી હતી. પ્રભારી રાજીવ સાતવ અને અમિત ચાવડાની બંધ બારણે બેઠક યોજાઇ હતી. ગાંધીનગર મનપાના નિરીક્ષકોને બેઠકમાં બોલાવ્યા હતા. મનપાની ચૂંટણીમાં કોંગ્રેસમાં દાવેદારોનો રાફડો ફાટ્યો હતો. કોકડું ગુંચવાતા પ્રભારી રાજીવ સાતવે હાથમાં કમાન લીધી હતી. રાજીવ સાતવની ગુજરાતમાં એન્ટ્રી બાદ નામો નકકી થયા છે. 

કોંગ્રેસે જમીન પર ઉતરીને પરફોર્મન્સ સુધારવું પડશેઃ રાજીવ સાતવ

કોંગ્રેસ પ્રભારી રાજીવ સાતવે નિવેદન આપ્યું હતું. તેમણે જણાવ્યું હતું કે, પ્રદેશ પ્રમુખ કે વિપક્ષ નેતા બદલવાથી પરફોર્મન્સ નહીં સુધરે. કોંગ્રેસે જમીન પર ઉતરીને પરફોર્મન્સ સુધારવું પડશે. પ્રદેશથી લઈને બુથ સુધીમાં ફેરફાર કરાશે. બ્લોક, જિલ્લા, પ્રદેશના નેતાઓને કામની સંપૂર્ણ છૂટ આપી હતી. પરિણામ નથી મળ્યા માટે એસેસમેન્ટ થશે. તમામ જિલ્લામાં પરફોર્મન્સ ખરાબ જ થયું છે. AICC પણ ગુજરાતના પરિણામને લઈને ચિંતિત છે. પ્રદેશ પ્રમુખ કે વિપક્ષ નેતા બદલવાથી પરફોર્મન્સ નહીં સુધરે. કોંગ્રેસે જમીન પર ઉતરીને પરફોર્મન્સ સુધારવું પડશે.