નવા વર્ષની શરૂઆતમાં કોરોનાના કેસમાં ઘટાડો જોવા મળ્યો હતો. એવું લાગી રહ્યું હતુ કે તેનાથી રાહત મળશે પરંતુ હવે તો તારક મહેતા...ના ભિડેને પણ કોરોના થયો છે.
સુંદર બાદ ભીડે કોરોના પોઝીટીવ
સૂંઘવાની ક્ષમતા ગુમાવી બેઠો ભીડે
તારક મહેતા..ના સેટ પર થઇ શકે ટેસ્ટ
મહારાષ્ટ્ર સહિત કેટલાક રાજ્યોમાં ખુબ ઝડપથી સંખ્યામાં વધારો થઇ રહ્યો છે. રાજ્ય સરકારે સંકેત આપ્યા છે કે સ્થિતિમાં સુધાર નહી થાય તો લોકડાઉન આવી જશે. છેલ્લા થોડા સમયમાં કોવિડ-19નો શિકાર થયા છે. તારક મહેતા...ના સુંદર એટલે કે મયુર વાકાણી બાદ ભિડે એટલે મંદાર ચંદવાદકર પણ કોરોના પોઝીટીવ થયા છે.
ભિડે કોરોના પોઝીટીવ
મંદાર ચંદવાદકરે પોતે જ આ વાતની પુષ્ટી કરી છે કે તે કોરોના સંક્રમિત થઇ ગયા છે. તેણે કહ્યું કે એવુ લાગી રહ્યું છે કે તેની સૂંઘવાની ક્ષમતા ખત્મ થઇ ગઇ છે. ટેસ્ટ પોઝીટીવ આવ્યા બાદ તેણે તારક મહેતા...ના મેકર્સને સુચના આપી અને તરત શુટીંગમાંથી બ્રેક લઇ લીધો છે.
સૂંઘી નથી શકતા
મંદારે કહ્યું કે શરદી અને તાવ તો લક્ષણ હતા જ પરંતુ પૂજા દરમિયાન મને કપૂરની ગંધ નહોતી આવતી જેના કારણે મને લાગ્યું કે મે સૂંઘવાની શક્તિ ગુમાવી દીધી છે. તે બાદ મે તરત જ કોરોના ટેસ્ટ કરાવ્યો અને તે પોઝીટીવ આવ્યો. હું બધા જ નિયમોનુ પાલન કરી રહ્યો છુ અને ઘરમાં જ ક્વોરંટાઇન છું.
મંદારે વધુમાં કહ્યું કે મે સોનાલિકા અને પલકને પણ કહ્યું કે તે પોતાનો ટેસ્ટ કરાવી લે. ઋષિ કે જે શોનો આસિસ્ટન્ટ ડિરેક્ટર છે તેને પણ શરદી હતી. મે તેને પણ ટેસ્ટ કરાવવા માટે કહ્યું છે. તેનો રિપોર્ટ નેગેટીવ આવ્યો છે.
મયૂર વાકાણી પોઝીટીવ
શોમાં દયાનો ભાઇ બને છે તે તેનો રિયલ લાઇફ ભાઇ છે અને મયુર વાકાણીને સેટ પર સૌથી પહેલા કોરોના થયો હતો.