કોરોનાના લીધે સૂમસામ પડેલા દીવના બીચ ઉપર આખરે માનવ મહેરામણ ઉભરાયું હોય તેવા દ્રશ્યો સર્જાયા હતા, દીવના નાગવા બીચ, જલંધર બીચ, અને નવ નિર્મિત બ્લૂ ફ્લેગ બીચ પર ઘણી મોટી સંખ્યામાં લોકોની ભીડ ઉમટાઈ હતી, નોંધનીય છે કે કોરોનાને લીધે છેલ્લા ઘણા મહિનાઓથી આ બીચ પર માનવ હિલચાલ નહોતી.
દીવના બીચ પર સહેલાણીઓનો જમાવડો જોવા મળ્યો
તહેવારોને લઈ સહેલાણીઓનો જમાવડો જોવા મળ્યો
8 મહિના બાદ બીચ પર જોવા મળી ભીડ
કોરોના ને ધ્યાને લઈને દીવના સૂમસામ બીચને જાણે કે તેના પ્રવાસનની જૂની ઓળખ પાછી મળી હોય તેવા દ્રશ્યો આ તહેવારોના દિવસોમાં સર્જાયા હતા. ઉલ્લેખનીય છે કે હાલમાં દિવાળી પર્વના દિવસો હોવાથી સહેલાણીઓમાં વેકેશનનો મૂડ હતો, અને હાલમાં રજાઓ હોવાથી દીવના પ્રવાસનના ખાસ ઓળખ સમા અલગ અલગ બીચ ઉપર મોટી સંખ્યામાં પ્રવાસીઓની ભીડ ઊમટેલી જોઈ શકાતી હતી. નોંધનીય છે કે છેલ્લા 8 મહિનાઓથી આ બીચ સૂમસામ હાલતમાં હતા.
સ્થાનિક વેપારીઓને જાગી આશા
કોરોનાને લીધે દીવના બીચ ઉપર સહેલાણીઓ આવતા દીવના સ્થાનિક વેપારીઓને જરૂર રાહત મળવાની આશા છે, મહત્વ નું છે કે દીવની ઓળખ એક પ્રવાસન સ્થળ તરીકેની છે અને અહીં જો સહેલાણીઓ ન આવે તો અહીં ના વેપારને મોટો ફટકો લાગી રહ્યો હતો, પરંતુ હવે મોટી સંખ્યામાં પ્રવસીઓપ આવતા આ નવા વર્ષમાં કોરોનાના લીધે ઠપ્પ થયેલા ધંધા પાણીને ફરીથી વેગ મળશેપ એવી વેપારી મિત્રોને આશા છે.
જો કે પ્રવાસીઓની વધતી જતી સંખ્યાને ધ્યાનમાં લઈને કોઈ દુર્ઘટના ન બને તે માટે પણ તંત્ર દ્વારા પગલાં ભરવામાં આવ્યા છે, બીચ, દરિયા કાંઠાના વિસ્તાર વગેરે જેવા સ્થળોએ પોલીસ બંદોબસ્ત પણ ગોઠવી દેવામાં આવ્યો છે, સાથે જ કોવિડના નિયમોને ધ્યાનમાં લઈને અલગ અલગ સ્પેશિયલ ટીમોને પણ તહેનાત કરવામાં આવી છે.