સુરત / મનપા આરોગ્ય વિભાગની કાર્યવાહી, દૂધના સેમ્પલનુ કરાયું ચેકિંગ

સુરત મનપા દ્વારા ડેરીઓના સેમ્પલ ચેક કરવામા આવતા 7 ડેરીઓના સેમ્પલ નેગેટિવ આવ્યા હતા, જે દરમિયાન વર્ષો જૂની ચોર્યાસી ડેરીનું સેમ્પલ પણ નેગેટિવ આવ્યું હતું. મહત્વનુ છે કે, શહેરમાં ઘણા સમયથી હલકી કક્ષાના દૂધ વેચાણની ફરિયાદ થઈ રહી છે.

લીંબાયત, ઉધના, પાંડેસરા જેવા વિસ્તારોમાં દૂધને લઈને ફરિયાદ ઉઠી છે. ત્યારે હવે ચેકિંગ કરવામાં આવતા ગૌરીનંદન, અનુલ, શ્રી ગોકુલમ, સતપાલ ડેરીના સેમ્પલ નેગેટિવ આવ્યા. આ દરમિયાન ફેટનું પ્રમાણ ઓછું અને પાણીનું પ્રમાણ વધારે હોવાનું સામે આવ્યું. મનપા ડેરી સંચાલકો અને દૂધ વેચનારાઓ સામે કોર્ટ દ્વારા કાર્યવાહી કરવામાં આવશે.