ગજબ / હિંમતે મર્દા તો મદદે ખુદા, 2 પગ ગુમાવી ચૂકેલ વ્યક્તિએ કરી બતાવ્યું એવું પરાક્રમ કે જાણીને ગર્વ થશે

• દિવ્યાંગો માટે પ્રેરણારૂપ બન્યો આ શખ્સ
•  2 પગ ગુમાવી ચૂકેલ વ્યક્તિએ પહાડ પર કરી ચઢાઈ 
• 4,413 ફૂટ ઉંચો છે પહાડ

જ્યારે મનમાં જોશ હોય અને આકાશને સ્પર્શવાની ઈચ્છા હોય તો કોઈપણ પ્રસિદ્ધી પ્રાપ્ત કરી શકાય છે. પછી વ્યક્તિ કઈ મુશ્કેલીમાંથી પસાર થઈ રહી છે તેનાથી કોઈ ફરક પડતો નથી. કંઈક કરવાની ઈચ્છા સામે કોઈપણ મુશ્કેલી નાની છે. ઈંગ્લેન્ડમાં રહેતા 57 વર્ષીય પોલ એલિસે દુનિયાની સામે આવું જ ઉદાહરણ રજૂ કર્યું છે. બંને પગ ગુમાવ્યા છતાં પોલ એલિસે શું કર્યું તે જાણીને દુનિયાભરના લોકો દંગ રહી ગયા.

4,413 ફૂટ ઊંચા પહાડ પર કરી ચઢાઈ 
એક રિપોર્ટ અનુસાર 57 વર્ષીય પોલ એલિસે યુકેના સૌથી ઊંચા પર્વત શિખર પર ચઢીને પ્રસિદ્ધિ હાસલ કરી છે. તેના સાથીઓ સાથે મળીને તેણે બેન નેવિસ નામના પર્વત શિખરની ચઢાઈ પૂર્ણ કરી. યુકેના સૌથી ઊંચા પર્વત શિખરમાંથી એક બેન નેવિસની ઊંચાઈ 4,413 ફૂટ છે. તમને જાણીને નવાઈ લાગશે કે પોલ એલિસે માત્ર 12 કલાકમાં આ ચઢાઈ પૂર્ણ કરી છે. 

બન્ને પગ ગુમાવનાર પોલની આ પ્રસિદ્ધી જોઈને લોકો દંગ રહી ગયા છે. તમને જણાવી દઈએ કે પોલ ઈંગ્લેન્ડના ચેશાયરના વિડનેસમાં રહે છે. તે બે બાળકોનો પિતા છે. પોલે ચેરિટી એમ્પ કેમ્પ માટે આ ચઢાણ પૂર્ણ કર્યું. 

પોલે આ ચેરિટી માટે પાંચ લાખ રૂપિયા ભેગા કર્યા. પૌલે કહ્યું કે તેના માટે ચઢાણ ખૂબ મુશ્કેલ હતું. ચઢાણ પૂરું કર્યા પછી તેના ઘૂંટણમાં સોજો આવી ગયો. આ સિવાય તેની પીઠનો દુખાવો ઘણો વધી ગયો છે.

દુનિયાને આપવા માંગે છે એક ખાસ સંદેશ
પોલે જણાવ્યું કે જ્યારે તેણે પર્વત પર ચઢવાનું નક્કી કર્યું ત્યારે તેને ઘણી સમસ્યાઓનો સામનો કરવો પડી રહ્યો હતો. તેમણે જણાવ્યું કે તે લોકોને કહેવા માંગે છે કે જે વ્યક્તિ પોતાના પગથી લાચાર છે તે કંઈ પણ કરી શકે છે. ચઢાણ દરમિયાન તે ખૂબ જ ભાવુક થઈ ગયો હતો. પરંતુ તેણે હિંમત હારી નહીં અને ચઢવાનું ચાલુ રાખ્યું. આખરે તેણે પોતાનું મિશન પૂરું કર્યું. તે ભવિષ્યમાં પણ વધુ મુશ્કેલ ચઢાણો કરવા માટે તૈયાર છે.