કોરોનાને છેટો રાખવા લોકો જાતજાતના ઉપાયો અજમાવી રહ્યાં છે ત્યારે હવે થાઈલેન્ડના એક નાગરિકને કોરોના પોઝિટીવ થવાનું ઘેલું લાગ્યું છે.
મહામારીમાં થાઈલેન્ડના શખ્સની અજીબ માગ
થાઈલેન્ડનો નાગરિક સામે પગલે કોરોના પોઝિટીવ થવા માગે છે
કોરોના પોઝિટીવ છોકરી કે મહિલાની તલાશમાં
કોરોના સંક્રમિત થવા માટે 11000 રુપિયાની ઓફર મૂકી
કોરોનાનું નામ સાંભળતા જ લોકોના ગાત્રો શિથિલ થઈ જાય છે અને ડરના માર્યા બોલી પણ શકતા નથી ત્યારે હવે દુનિયામાં એક એવો માણસ સામે આવ્યો છે જે સામે પગલે કોરોના સંક્રમિત થવા માગે છે અરે એટલું જ નહીં પરંતુ તે કોરોના પોઝિટીવ થવા માટે મોં માંગ્યા પૈસા પણ આપવા તૈયાર છે. આ માણસને હવે તમે શું કહેશો.
કોઈ છોકરી કે મહિલા પાર્ટીમાં કોરોના પોઝિટીવ કરે તેવી શખ્સની ઈચ્છા
થાઈલેન્ડમાં એક શખ્સે એવી અજીબ શરત મૂકી કે જો કોઈ છોકરી કે મહિલા મને કોરોના પોઝિટીવ કરશે તો હું તેને મોં માંગ્યા પૈસા આપીશ. આ શખ્સની કોરોના સંક્રમિત છોકરી સાથે પાર્ટી પણ કરવાની ઈચ્છા છે. શખ્સની ઈચ્છા એવી કોઈ કોરોના પોઝિટીવ છોકરી સાથે રહેવાની છે જે તેને સંક્રમિત કરી શકે. તેણે ચોખ્ખું જણાવ્યું કે હું કોઈ રોમેન્ટિક રિલેશનશીપમાં જવા માગતો નથી પરંતુ મને એક પાર્ટી દરમિયાન કોરોના પોઝિટીવ કરનાર છોકરીની તલાશ છે.
કોરોના પોઝિટીવ થવા માટે આ શખ્સ બીજાને આપશે 11,000 રુપિયા
કોરોના પોઝિટીવ થવા માગતા આ શખ્સે એક બ્રોકરની પણ મદદ લીધી છે જેથી કરીને તેને તેના આ કામ માટે પરફેક્ટ મહિલા કે છોકરી મળી શકે. મહિલાએ પહેલા તેને તેનો એન્ટીજન ટેસ્ટ દેખાડવો પડશે અને પછી તેને કોરોના પોઝિટીવ કરવો પડશે. આ કામ માટે તેણે 11 હજારની ઓફર મૂકી છે. આ અજીબોગરીબ માગનો મેસેજ સોશિયલ મીડિયામાં વાયરલ થયો છે. થાઈલેન્ડના સ્થાનિક મીડિયાએ આ શખ્સની જાહેરખબર પાછળનું કારણ ગણાવ્યું છે જે ઘણું દિલચસ્પ છે.
કેમ કોરોના પોઝિટીવ થવા માગે છે શખ્સ
થાઈલેન્ડની વીમા કંપનીઓને કોરોનાને તેના પ્લાનમાં સામેલ કરી રહી છે. વીમા કંપનીઓ કોરોના પોઝિટીવ વ્યક્તિને 4 લાખની સહાય આપે છે. પહેલા તો કંપનીઓ ખૂબ તપાસ કરતી નહોતી પરંતુ હવે હોસ્પિટલોમાં જઈને કોરોના દર્દીઓની તપાસ કરે છે અને પછી વીમાની રકમ જારી કરે છે.
4 લાખની સહાય લેવા યુવક થવા માગે છે કોરોના પોઝિટીવ
થાઈલેન્ડનો આ નાગરિક વીમા કંપનીની ચાર લાખની સહાય લેવા કોરોના પોઝિટીવ થવા માગે છે. થાઈલેન્ડમાં વીમા કંપનીઓ કોરોના પોઝિટીવ દર્દીઓને 4 લાખની સહાય આપી રહી છે. તેથી આ નાગિરિક પણ 4 લાખની સહાય લેવા માટે કોરોના પોઝિટીવ થવા તૈયાર થયો છે.