પાટણઃ અમે તમને એક વીડિયો બતાવી રહ્યા છીએ. જે જોઇને તમે આશ્ચર્યમાં મુકાઇ જશો. પાટણમાંથી વાયરલ થયેલો એક વીડિયો છે. જેમાં એક વ્યક્તિ જાહેર રોડ પર ધૂણવા લાગ્યો. સૌપ્રથમ તો આ દ્રશ્ય જોઈને તમને એવું લાગશે કે ખરેખર આ વ્યક્તિને માતા આવતા તે ધૂણવા લાગ્યો. પરંતુ વાસ્તવિક્તા સાવ જુદી જ છે. આ વીડિયો પાટણના બસ સ્ટેશન રોડ પરનો છે.
જો કે વીડિયો બે દિવસ પહેલાંનો છે. ઘટના એવી છે કે પાટણ બસસ્ટેશન રોડ પર ટ્રાફિક પોલીસ ગેરકાયદે પાર્ક કરેલા વાહનો ટોઈંગ કરવાની કામગીરી કરી રહી હતી. ત્યારે એક બાઈક પણ તેઓએ ટ્રાફિકક્રેનમાં ચઢાવ્યું હતું. બસ પછી શું.. અચાનક બાઈક ચાલક આવ્યો અને બસ ટ્રાફિક પોલીસ ક્રેન પકડીને લાગ્યો ધૂણવા.
માત્ર 200 રૂપિયા જેટલી નજીવી કિંમતનો દંડ ના ભરવા માટે તેણે સમગ્ર તરકટ ઘડી કાઢયું. જો કે આ વ્યક્તિના આ તરકટથી પોલીસ પણ મુંઝવણમાં મૂકાઈ હતી. જે સમગ્ર ઘટના કોઈએ મોબાઈલમાં કેદ કરી હતી.