ઇન્ટરનેટના જમાનામાં તમારી વાત લોકો સુધી પહોંચાડવી સરળ થઇ ગઇ છે પરંતુ કેટલાક વીડિયો એવા વાયરલ થઇ જાય છે જેને લઇને વ્યૂઅર્સ પોતાનુ હસવુ રોકી શકતા નથી.
લેમ્બરગિનીમાં શખ્સ શેકી રહ્યો હતો કબાબ
થોડા જ સેકન્ડમાં લાગી ગઇ આગ
વિડીયો સોશ્યલ મિડીયા પર વાયરલ
લોકો પોતાના વીડિયોને વધુ ને વધુ લાઇક્સ અને વ્યૂઝ મળે તેના માટે ઘણા અખતરા કરતા હોય છે પરંતુ તે બધા અખતરા સફળ નથી થતા. આવી જ એક ઘટના લેમ્બરગિનીના ઓનર સાથે બની છે. એક વ્યક્તિએ પોતાની કરોડોની લેમ્બરગિનીના એગ્ઝહોસ્ટમાં કબાબ ગ્રિલ કરી રહ્યો હતો પછી કંઇક એવુ થયુ કે તેનુ ભારે નુકસાન થઇ ગયુ હતુ.
વાયરલ વીડિયો ચીનના હુનાન શહેરનો છે. તેમાં એક વ્યક્તિ પોતાની લેમ્બરગિનીના એગ્ઝહોસ્ટમાં કબાબ ગ્રિલ કરી રહ્યો હતો, ગાડીમાં બેઠેલો અન્ય એક વ્યક્તિ વારંવાર અગ્ઝહોસ્ટમાંથી આગ કાઢી રહ્યો હતો. આ ઘટનાનો વિડીયો સોશ્યલ મિડીયા પર ખૂબ વાયરલ થઇ રહ્યો છે.
વારંવાર આ ઘટનાને રિપીટ કરવાથી એન્જીન ગરમ થઇ ગયુ હતુ અને તેમાંથી એકદમ ધૂમાડો નીકળવા લાગ્યો હતો અને ગાડીમાંથી કુલેન્ટ લિક્વિડ બહાર નીકળવા લાગે છે. આગને કાબૂમાં લાવવાનો પ્રયત્ન કરવામાં આવે છે પરંતુ ત્યાં સુધી આખી ગાડી બળીને ખાખ થઇ જાય છે.
વાયરલ વીડિયોમાં લોકોએ કરી કમેન્ટ
એક શખ્સે એવી કમેન્ટ કરી કે આ પ્રકારના કરતબ કરવા માટે કાર ડિઝાઇન કરવામાં નથી આવી તો અન્ય લોકોએ પણ કમેન્ટ કરીને પોતાની વાત રજૂ કરી હતી.