ઘોર કળયુગ! / ગુપ્ત ખજાનો મેળવવા માટે સગી દીકરીની બલિ ચઢાવવાનો પ્રયાસ, તાંત્રિક સહિત 9 ની ધરપકડ

• યવતમાલમાં કિશોરીના બલિના પ્રયાસને લઇને ચોંકાવનારો ખુલાસો
• આ મામલે 9 લોકોની કરાઈ ધરપકડ
• પોલીસનો દાવો, પિતાએ મોટી દીકરીનું કથિત રીતે શારીરીક શોષણ કર્યુ

હાલમાં પોતાના ગામમાં આવી હતી પીડિતા 

મહારાષ્ટ્ર પોલીસ તરફથી આ મામલે જણાવવામાં આવ્યું છે કે સોમવારે બાબુલગામ તહસીલમાં થયેલી આ ઘટનાને લઇને પીડિતાના પિતા, એક તાંત્રિક અને અન્ય 7 લોકોની ધરપકડ કરવામાં આવી છે. ન્યુઝ એજન્સી પીટીઆઈના રિપોર્ટ મુજબ, યવતમાલના પોલીસ અધિકારી દિલીપ ભુજબળ પાટીલે કહ્યું કે આરોપીઓમાંથી એકે તેની બે દીકરીઓમાંથી મોટી દીકરીનુ કથિત રીતે શારીરીક શોષણ કર્યુ અને ધમકી આપી. પોલીસ અધિકારીએ જણાવ્યું કે વિદ્યાર્થીનીના અભ્યાસ માટે પોતાના એક સંબંધીના ત્યાં રહેતી હતી અને હાલમાં મદની ગામમાં તેના ઘરે આવી હતી. 

દીકરીને દાટવા માટ ઘરમાં ખાડો ખોદ્યો 

પોલીસ અધિકારીએ કહ્યું કે આરોપીએ છેલ્લાં થોડા દિવસથી ઘર પર તાંત્રિક અનુષ્ઠાન કરવાનુ શરૂ કર્યુ હતુ અને 25 એપ્રિલે તેની દીકરીને દાટવા માટે ઘરમાં ખાડ્ડો ખોદ્યો હતો. તેમણે કહ્યું કે પીડિતાએ કોઈ પણ રીતે તેના મિત્રને આ અંગે જણાવ્યું કે ત્યારબાદ પોલીસને આ જાણકારી આપવામાં આવી. અધિકારીએ કહ્યું કે આ સંદર્ભે ઈન્ડિયન પીનલ કોડની કલમ 307 અને 376 હેઠળ કેસ નોંધવામાં આવ્યો છે.