વાપીના મહાલક્ષ્મીનગમાં છેલ્લા ઘણા સમયથી ચંપલ ચોરીની ઘટના સામે આવી રહી છે. હજી પણ વાપીમાં ચંપલ ચોરનો આતંક યથાવત્ છે. ત્યારે હવે મહાલક્ષ્મીનગરના એપાર્ટમેન્ટમાં બૂટ અને ચંપલની ચોરી થઈ. બૂટ અને ચંપલ ચોર CCTV કેમેરામાં કેદ થયો હતો. આ શખ્સ ઘરની બહાર રાખેલા મોંઘા ચંપલની ચોરી કરતો હતો.
અત્યાર સુધી તમે સાંભળ્યું હશે કે મંદિરો પરથી બુટ-ચંપલ ચોરી થયાનું સાંભળ્યું હશે. ત્યારે હવે વાપીમાં ઘરની બહાર રાખેલા ચંપલ ચોરો સક્રીય થયા છે. શહેરમાં ચંપલ ચોરો ધબ્બો લગાવી રહ્યા છે. આ ચંપલ ચોરો મોંઘી કિંમતના બ્રાન્ડેડ બુટ-મોજા અને ચંપલની ચોરી કરીને અડધી કિંમતે વેચી દે છે.
ચંપલ ચોર થોલો લઇને આવે છે અને મકાન કે એપાર્ટમેન્ટમાં ઘુસીને સાવચેતીથી ચંપલ લઇને નાસી જાય છે. ત્યારે આ પ્રકારની એક ઘટના સીસીટીવીમાં કેદ થઇ છે. ત્યારે શું હવે પોલીસ ચંપલ ચોરને પકડશે?
અત્રે ઉલ્લેખનીય છે કે સુરતની કાપડ માર્કેટમાં આ પ્રકારની ઘટના રોજે બને છે. 65 હજાર કરતા વધુ કાપડની દુકાનો આવેલી છે જેમાંથી રોજ 10થી 20 જેટલી દુકાનોમાં ચંપલ ચોરી થવાની ફરિયાદો સામાન્ય બની ગઇ છે.