વિદેશી ધરતી પર ભારતીય શખ્સ પાસેથી જ્યારે સુરક્ષા અધિકારીઓએ ગીત ગાવાની વિનંતી કરી તો તેઓને નિરાશ ન કર્યા. આ શખ્સે ગિટાર પણ વગાડ્યુ અને પોતાની ધુન પર બધાને પોતાના ચાહક પણ બનાવ્યાં.
અજરબેજાન એરપોર્ટ પરથી એક વીડિયો સામે આવ્યો
સુરક્ષા અધિકારીઓએ ભારતીય શખ્સને ગીત ગાવાની કરી વિનંતી
ભારતીય શખ્સે ગિટાર વગાડી ગાયુ ગીત
વિદેશી ધરતી પર ભારતીય શખ્સે બોલીવુડનુ ગીત ગાયુ
વિશ્વભરમાં ભારતીય સંગીતની ધૂમ રહે છે. અમુક વિદેશી સોશિયલ મીડિયા સ્ટાર તો એવા છે, જે ભારતીય ગીતોને ગાઈને અને તેના પર અભિનય કરીને ખૂબ લાઈક્સ અને શેર કરતા રહે છે. આ દરમ્યાન અજરબેજાન એરપોર્ટ પરથી એક એવો વીડિયો સામે આવ્યો છે, જેમાં એક ભારતીય શખ્સે બોલીવુડના ગીત પર ગિટાર વગાડીને એવી ધુન નિકાળી કે ત્યાં ઉપસ્થિત રહેલા અધિકારીઓ ખુશીથી ઝુમી ઉઠ્યા.
અજરબેજાનના એરપોર્ટ પર ગાયુ ગીત
આ વીડિયોને કબીર સિંહ નામના યુઝરે ઈન્સ્ટાગ્રામમાં પોસ્ટ કર્યો છે. તેણે જણાવ્યું કે તેઓ અજરબેજાનના બાકૂ શહેરમાંથી પોતાનો શો કરીને પાછા ફરી રહ્યાં હતા. આ દરમ્યાન સુરક્ષા અધિકારીઓેને ચેકિંગ દરમ્યાન તેની પાસે ગિટાર મળ્યું. ત્યારબાદ અધિકારીઓએ તેને ગિટાર વગાડીને કોઈ ગીત ગાવા માટે કહ્યું. અધિકારીઓની વિનંતી બાદ કબીરે આશિકી-2 ફિલ્મના સુપરહિટ ગીત તુમ હી હો ગીત ગાવાનુ શરૂ કર્યુ અને સાથે ગિટારની ધુન પણ વગાડી. કબીરના ગીતને સાંભળીને એરપોર્ટ પર રહેલા અધિકારીઓ ઝુમી ઉઠ્યા. આ વીડિયોની એક ક્લિપ કબીરે શેર કરી છે, જેમાં તે એરપોર્ટના સુરક્ષા અધિકારીઓની સામે ઉભા રહીને ગીત ગાઈ રહ્યો છે અને ગિટાર પણ વગાડી રહ્યો છે.
આ ગીત જોતજોતામાં વાયરલ થયુ. વીડિયોને અત્યાર સુધી ઈન્સ્ટાગ્રામ પર આશરે અઢી લાખ લોકોએ જોયો છે. તો તેના પર પાંચસોથી વધુ લોકોએ પ્રતિક્રિયા પણ આપી છે. યુઝર્સ કબીરના ટેલેન્ટના વખાણ કરી રહ્યાં છે. એક યુઝરે લખ્યું કે અધિકારીઓએ કબીર સિંહ પાસેથી વધુ ગીતો સાંભળવા જોઈએ.