થોડા દિવસમાં જો તમે ચીનના શાંઘાઇ શહેરમાં જઇ રહ્યાં છો તો તમારી નજર રસ્તા પર કે પાર્કના ઘાંસમાં જરૂર રાખજો કારણકે જો તમને આ વસ્તું મળી જશે તો કિસ્મત ખુલી જશે.
આ શખ્સે સોનાના ચોખા નદીમાં ફેંકી દીધા
ફૂડ વેસ્ટ ન કરવા માટે આપ્યો દુનિયાને મેસેજ
સોશ્યલ મીડિયા પર લોકો કરવા લાગ્યા ટીકા
ચીનના આ વ્યક્તિએ કર્યું કામ
વિશ્વભરમાં અનાજ જે પ્રકારે વેડફાઇ રહ્યું છે તેને લઇને એક આર્ટિસ્ટે અજીબોગરીબ રીત શોધી છે. આ કામને લઇને કેટલાક લોકો આલોચના પણ કરી રહ્યાં છે.
13 ઓક્ટોબરે ઘટી ઘટના
ચીનમાં એક આર્ટિસ્ટે 13 ઓક્ટોબરના રોજ જ્વેલરી શોપમાંથી 1 હજાર સોનાના ચોખાના દાણા લીધા અને તેને હુઆંગ્પુ નદીમાં વહાવી દીધા હતા. સાથે જ રસ્તા અને પાર્કમાં થોડા થોડા કરીને નાંખી દીધા હતા. સૌથી વધારે હેરાનીની વાત તો તે છે કે 500 ગ્રામના આ ચોખાની કિંમત 23 લાખ રૂપિયાથી વધારે છે. યેંગ નામના આ શખ્સનું કહેવું છે કે આ પગલું તેણે ફૂડ વેસ્ટેજને રોકવા માટે લીધું છે. તે લોકોને મેસેજ આપી રહ્યો છે કે તે ફૂડનો વેસ્ટ ગોલ્ડની જેમ કરી રહ્યાં છે. અનાજ પણ સોના જેટલું મુલ્યવાન છે.
લોકોને કર્યા જાગૃત
યેંગે લોકોને જાગૃત કરવા માટે આ કાર્ય કર્યું હતુ પરંતુ લોકો તેની ટીકા કરવા લાગ્યા હતા. કોઇએ લખ્યું કે યેંગ માત્ર ફેમસ થવા માટે આવું કરી રહ્યો છે. તે આ પૈસાનો ઉપયોગ ગરીબ લોકોની મદદ માટે પણ કરી શકતો હતો. સોશ્યલ મીડિયા પર આ વિષય ચર્ચાનો વિષય બની ગયો છે.