VIDEO / મથુરામાં પ્રદર્શનકારીઓ અને પોલીસ વચ્ચે જીંદગી ફસાઈ, બાળકનો જીવ બચાવવા મોત સામે બાથ ભીડી

• અગ્નિપથના વિરોધમાં હિંસક પ્રદર્શન
• મથુરામાં પ્રદર્શનકારીઓએ તાંડવ મચાવ્યું
• એક માસૂક બાળકનો જીવ બચાવવા દોડ્યા પોલીસ જવાનો

અગ્નિપથ યોજના વિરુદ્ધ શુક્રવારે મથુરામાં પ્રદર્શનકારીઓને ભારે તાંડવ મચાવ્યું હતું. પ્રદર્શનકારીઓએ મથુરા નેશનલ હાઈવે પર પથ્થરમારો કરીને ભારે હોબાળો મચાવ્યો હતો, જે બાદ લોકો પોલીસની પાછળ સંતાઈ ગયા હતા, લોકો જીવ બચાવવા માટે ભાગતા પણ દેખાયા હતા. 

A man runs for cover with his child during stone pelting on the national highway in Mathura , UP by #AgneepathScheme protestors … pic.twitter.com/nvpxPb0jI5

— Alok Pandey (@alok_pandey) June 17, 2022

આ ઘટનાને લઈને વીડિયો પણ વાયરલ થઈ રહ્યો છે. જેમાં એક માણસ પોતાના માસૂમ દિકરાને લઈને છાતીએ વળગાળીને પોલીસની પાછળ સંતાઈને ભાગી રહ્યા છે. આ વ્યક્તિની પાછળ એક મહિલા પણ દોડતી દેખાઈ રહી છે, જેણે કાળો બુરખો પહેરેલો છે. બંને લોકો પોલીસની પાછળ છુપાઈને પોતાના જીવ બચાવવા માટે ભાગી રહ્યા છે. જો કે, પ્રદર્શનકારીઓ તેમ છતાં પણ શાંત પડવાનું નામ નથી લેતા. 

આ પ્રદર્શન દરમિયાન જોડાયેલો અન્ય એક વીડિયો સામે આવ્યો છે, જેમાં પોલીસ પ્રદર્શનકારીઓ પર ટિયર ગેસના ગોળા છોડતી દેખાઈ રહી છે. મથુરામાં પ્રદર્શનકારીઓએ રાજમાર્ગ પર કેટલીય કાર અને ટ્રકના કાચ તોડી નાખ્યા હતા. બંને વીજિયો વાયરલ થવા પર પોલીસનું કહેવુ છે કે, વરિષ્ઠ અધિકારી ઘટનાસ્થળ પર છે અને હિંસક પ્રદર્શનકારીઓ વિરુદ્ધ કડક કાર્યવાહી કરવામાં આવશે.