કોરોના વાયરસને કારણે સમગ્ર દુનિયા પરેશાન છે. ભારતમાં પણ આ વાયરસ ખૂબ જ ઝડપથી પગ પેસારો કરી રહ્યો છે અને તેને રોકવા માટે સરકાર વિવિધ પ્રકારના ઉપાય કરી રહી છે તેમ છતાં કેટલાક લોકો શર્મનાક હરકત કરી રહ્યા છે. આવો જ એક મામલો દિલ્હીમાં સામે આવ્યો છે. જેમાં એક છોકરીને કોરોના કહીને તેના મોં પર થૂંકવામાં આવેલ.
કોરોનાના કહેર વચ્ચે દિલ્હીમાં બની અનોખી ઘટના
કોરના કહીને મણીપુરની યુવતી પર થૂંકયો એક શખ્સ
સોશિયલ મીડિયા પર લોકોએ કરી ઘટનાની ટીકા
નોંધનીય છે કે, આ ઘટના ઉત્તર દિલ્હીની છે. અહીં કોઇ શખ્સનો મણીપુરની એક મહિલા સાથે કોઇ વાતને લઇને ઝઘડો થયો હતો. આ સમય દરમિયાન મામલો વધુ બિચકાતા પુરુષે મહિલાને કોરોના કહીને થૂંક્યો હતો. જો કે, ત્યારબાદ આ વ્યક્તિ તેના સ્કૂટી પર બેઠો અને ત્યાંથી ફરાર થઈ ગયો.
મણિપુરની યુવતી પર થૂંક્યો દિલ્હીનો એક શખ્સ
મણિપુરની યુવતીએ આ બનાવની પોલીસમાં ફરિયાદ કરી ત્યારે આ સમગ્ર મામલો પ્રકાશમાં આવ્યો હતો. સમગ્ર મામલો વિજયનગર વિસ્તારનો છે. 'કોરોના' કહ્યા પછી આરોપી સ્કૂટીથી છટકી ગયો હતો.
સોશિયલ મીડિયા પર વાયરલ થયાં ફોટો
સમાચાર એજન્સી એએનઆઈના જણાવ્યા અનુસાર, મહિલાની ફરિયાદના આધારે દિલ્હી પોલીસે આઈપીસીની કલમ 509 હેઠળ કેસ નોંધીને તપાસ શરૂ કરી છે. આ સાથે જ તે યુવતીના કેટલાક ફોટા પણ સોશ્યલ મીડિયા પર વાયરલ થઈ રહ્યા છે.
લોકોએ તાત્કાલિક અસરથી આ શખ્સની ધરપકડ કરવાની કરી વાત
લોકો સોશિયલ મીડિયા પર આ મામલાની નિંદા કરી રહ્યા છે. લોકો કહે છે કે આવી વર્તણૂક સ્વીકારવી ન જોઈએ. પોલીસ આરોપીને તાત્કાલિક ધરપકડ કરો
વારંવાર દિલ્હીમાં બની રહી છે આવી ઘટના
આપને જણાવી દઇએ કે, આ પ્રથમ ઘટના નથી, દિલ્હીમાં વારંવાર આવી શર્મસાર ઘટનાઓ બનતી રહે છે. થોડા સમય પહેલા સોશિયલ મીડિયા પર નોર્થ-ઇસ્ટના વિદ્યાર્થીઓનો એક વીડિય વાયરલ થયો હતો જેમાં લોકોને તે વિનંતી કરી રહ્યા કે, તેઓને કોરોના કહેવાનું બંધ કરવામાં આવે.
દિલ્હીમાં 31 માર્ચ સુધી લૉકડાઉનઃ અરવિંદ કેજરીવાલ
દિલ્હીના મુખ્યમંત્રી અરવિંદ કેજરીવાલે જણાવ્યું કે, આવતીકાલથી 31 માર્ચ સુધી દિલ્હીમાં લૉકડાઉન. પબ્લિક ટ્રાન્સપોર્ટ બંધ રહેશે. ડીટીસીની 25 ટકા બસો ચાલશે. દિલ્હીની દુકાનો, બજાર બધુ બંધ રહેશે. દિલ્હીની બોર્ડર સીલ રહેશે પરંતુ બીજા રાજ્યોથી ખાવા-પીવાનો સામાન અને શાકભાજી લાવનાર વાહનોને મંજૂરી અપાશે. તમામ ફ્લાઇટ્સ બંધ, ધાર્મિક સ્થળો બંધ રહેશે.