નોકરિયાત વર્ગને હંમેશા ફરિયાદ હોય છે કે તેમને રજા મળતી નથી. કેટલાંક કર્મચારીઓ તો રજા મેળવવા માટે ગજબ બહાનાા બનાવે છે. પરંતુુ સોશિયલ મીડિયામાં અત્યારે રજાની એક અરજી ઝડપથી વાયરલ થઇ રહી છે, જેમાં કર્મચારીએ સ્પષ્ટ રીતે જણાવ્યું કે તેને રજા કેમ જોઈએ છે? કર્મચારીની આટલી સ્પષ્ટ વાત જોઇને તમે પણ તમારું હાસ્ય રોકી શકશો નહીં. કર્મચારીએ રજાની એપ્લિકેશનમાં લખી દીધુ કે તેઓ પિતા બનવા માંગે છે, તેથી તેને રજા જોઈએ છીએ. સોશિયલ મીડિયામાં રજાની એપ્લિકેશન વાયરલ થયા બાદ યુઝર્સ પણ આ એપ્લિકેશન પર ફની રિએક્શન આપી રહ્યાં છે.
કર્મચારીએ રજા લેવાનુ કારણ શું જણાવ્યું?
ઉલ્લેખનીય છે કે સોશિયલ મીડિયામાં રજાની જે એપ્લિકેશન વાયરલ થઇ રહી છે, તેમાં ઠેકાણુ બાંગ્લાદેશનુ લખ્યું છે. પિતા બનવાની ઈચ્છા રાખનારા કર્મચારીએ તેની ઓફિસમાંથી 1-2 અઠવાડિયા નહીં, પરંતુ પૂૂરા 2 મહિનાની રજા માંગી. તેણે સ્પષ્ટ શબ્દોમાં લખી દીધુ કે તેને 60 દિવસની રજા જોઈએ છે. સૌથી ચોંકાવનારું રજાનુ કારણ અને તેને લખવાની સ્ટાઈલ હતી. અરજીમાં જ્યાં રજાનુ કારણ લખવાનુ હતુ ત્યાં તેમણે લખ્યું, 'Visit Family And Make Baby.'
કર્મચારીએ માંગી 2 મહિનાની રજા
ઉલ્લેખનીય છે કે રજાની આ અરજી વર્ષ 2017ની જણાવવામાં આવી રહી છે. જે અત્યારે સોશિયલ મીડિયામાં વાયરલ થઇ રહી છે. અરજી મુજબ, કર્મચારીએ 15 નવેમ્બર 2017થી 15 જાન્યુઆરી 2018 સુધી ઓફિસમાંથી રજા માંગી હતી. શખ્સે જણાવ્યું કે આ દરમ્યાન તેઓ બાંગ્લાદેશના સિલ્હટમાં પોતાના પરિવારની સાથે રહેશે.