ઉત્તરપ્રદેશ / ઘર કંકાસથી કંટાળી પતિ એ ભર્યું એવું પગલું કે સાંભળનારા કાંપી ઉઠ્યા

• ઉત્તર પ્રદેશના લખનઉમાં ટ્રિપલ મર્ડર અને આત્મહત્યાની ઘટના
• પતિએ ઘરેલૂ કંકાશથી કંટાળીને પત્ની અને બે બાળકોને મોતને ઘાટ ઉતાર્યા
• આર્થિક તંગીને પગલે ઘરમાં ઝઘડા થયા રહેતા હતા

માનવામાં આવી રહ્યું છે કે, આર્થિક તંગીને પગલે ઘરમાં ઝઘડા થયા રહેતા હતા, મૃતકની ઓળખ પિન્ટૂ ગુપ્તા રૂપે થઇ છે. 

મોંઢુ દબાવીને પત્ની અને બાળકોને મારી નંખાયા

પોલીસ કમિશનર સુજીત પાન્ડેયે શનિવારે (18 જાન્યુઆરી) એ પત્રકારો સાથેની વાતચીતમાં જણાવ્યું કે, ગુડંબાના શિવાની વિહારમાં રહેતા 32 વર્ષીય પિન્ટૂ ગુપ્તાએ શનિવારે સવારે પોતાની પત્ની આરતી (28), પુત્રી નેહા (8) અને પુત્ર નૈતિક (6)ને મારી નાંખીને ખુદ પણ પંખાથી  લડકીને આત્મહત્યા કરી લીધી. તેઓેએ જણાવ્યું કે, પ્રથમ દ્રષ્ટીએ એવુ લાગે છે કે, પિન્ટૂએ પોતાની પત્ની અને બંને બાળકોના મોંઢા દબાવીને મારી નાંખ્યા, કેમકે આ ત્રણેયના મૃતદેહ બેડ પર એક સાથે પડ્યા હતા. બાદમાં પિન્ટૂએ પંખાથી લટકીને આત્મહત્યા કરી લીધી. 

મીડિયા રિપોર્ટ્સ મુજબ, મૃતક છોટેલાલનામના એક રેલવેના કર્મીને ત્યાં ડ્રાઇવરના પદ નોકરી કરતો હતો. મૃતક વ્યક્તિ પરિવાર સહિત ભાડાના મકાનમાં રહેતો હતો. મૃતક પિન્ટૂ જ્યારે ડ્યૂટી પર ન પહોંચ્યો ત્યારે આ અંગે પાડોશીને પૂછવામાં આવ્યું. દરવાજો ખખડાવ્યા બાદ પણ જ્યારે જવાબ ન મળ્યો તો બારી ખોલીને જોતા અંદર પત્ની અને બે બાળકો સહિત ડ્રાઇવરનો મૃતદેહ જોવા મળ્યો હતો. 

પોલીસ કમિશનરે જણાવ્યું કે, પાડોશી પાસેથી જાણકારી મળ્યા બાદ પોલીસ અધિકારી અને ફોરેન્સિક યૂનિટ ઘટના સ્થળે પહોંચી ગઇ છે. પોલીસ મામલાની તપાસ કરી રહી છે.