ઘટના / વીડિયોમાં પુત્રીનો રેપ કરતો દેખાયો મિત્ર, પિતાએ આપી એવી ક્રૂર સજા કે લોકો ફફડી ઉઠ્યાં

• રશિયાની રાજધાની મોસ્કોની ઘટના
• પિતાએ પોતાના જીગરી દોસ્તની હત્યા કરી નાખી
• પિતા મિત્રના ફોનમાં પુત્રીના રેપનો વીડિયો જોઈ ગયા હતા
• પિતાએ મિત્રની ચાકૂના ઘા મારીને ઘાતકી હત્યા કરી 

પિતા મિત્રના મોબાઈલમાં પુત્રીના રેપનો વીડિયો જોયો 

રશિયાના મોસ્કોમાં બનેલી આ ઘટનાએ ભારે ચકચાર મચાવી છે. મીડિયા રિપોર્ટ અનુસાર 34 વર્ષીય રોકેટ એન્જિન ફેક્ટરીનો કર્મચારી વ્યાચેસ્લાવ અને તેનો મિત્ર બન્ને દારુ પી રહ્યાં હતા. ત્યારે પિતાએ મિત્રનો ફોન ઉપાડીને જોવા લાગ્યા. મિત્રનો ફોન જોતાજોતા પિતાને એક એવો વીડિયો હાથ લાગ્યો જે જોઈને તેમનો દારુ ઉતરી ગયો અને ગુસ્સામાં મગજ ફાટી ગયું.

આરોપી મિત્રની પિતાએ ચાકૂના ઘા મારીને હત્યા કરી 

વીડિયોમાં પિતાને મિત્ર પોતાની પુત્રીના રેપ કરવાનો પ્રયાસ કરતો નજરે ચડ્યો હતો. આરોપીએ મિત્રની પુત્રી સાથે રેપ કરીને વીડિયો પણ બનાવ્યો હતો. આ જોઈને વ્યાચેસ્લાવ ગુસ્સે થઈ ગયો. તેણે ઓલેગ સાથે દલીલ કરવાનું શરૂ કર્યું, પરંતુ તક મળતાં આરોપી ઓલેગ ભાગી ગયો.વ્યાચેસ્લાવએ મિત્ર આરોપી ઓલેગ સ્વરિડોવ સામે  બળાત્કારની ફરિયાદ નોંધાવી હતી. પરંતુ તેણે મિત્રની હત્યા કરવાનો પ્લાન ઘડી નાખ્યો અને એક દિવસ લાગમાં આવતા તેણે છરીના ઘા મારીને ઢાળી દીધો. પોલીસે હત્યા કેસના સંદર્ભમાં વ્યાચેસ્લાવને કસ્ટડીમાં લીધો છે અને આ કેસની તપાસ હાથ ધરી છે.

ઓલેગના મોબાઇલમાં બાળકોના જાતીય શોષણના વીડિયો હતા

આરોપી ઓલેગના મોબાઇલમાં ઘણા વધુ બાળકોના જાતીય શોષણના વીડિયો હોવાનો પણ દાવો છે. સ્થાનિકોએ કહ્યું છે કે મિત્રને છરીના ઘા મારીને હત્યા કરવાના આરોપી પિતાને હત્યાનો કેસ ન કરવો જોઈએ કારણ કે મૃતકએ તેની સગીર પુત્રી પર બળાત્કાર ગુજાર્યો છે. એક વ્યક્તિએ કહ્યું, "તે ખૂની નથી. તેણે તેની પુત્રી અને અમારા બાળકોનું પણ રક્ષણ કર્યું છે. બધા તેની બાજુમાં છે. હત્યાનો કેસ ન ચાલે.