Coronavirus / કોરોના થયો હોવાનું છુપાવવું ભારે પડ્યું આ શખ્સને, પોતાને આખું જીવન રહેશે અફસોસ

• વિશ્વમાં કોરોના વાયરસે મચાવ્યો કહેર
• પતિએ કોરોના હોવાની વાત છૂપાવતા પત્ની પણ લાગ્યો ચેપ 
• અમેરિકાની હોસ્પિટલમાં બની ઘટના

ગત અઠવાડિયે આ ઘટના ન્યૂયોર્કના સ્ટ્રોન્ગ મેમોરિયલ હોસ્ટલમાં બની હતી. ડિલવરી બાદ જ્યારે પત્નીની તપાસ કરવામાં આવી તો કોરોના વાયરસના લક્ષણ જોવા મળ્યા હતા. 

પત્નીને કોરોના હોવાની વાત સામે આવતા પતિએ પણ કબૂલ્યું

હવે હોસ્પિટલમાં મુલાકાતીઓની કડક રીતે સ્ક્રિનીંગ કરવાનો નિર્ણય લેવામાં આવ્યો છે. મુલાકાતીઓએ સર્જિકલ માસ્ક પણ પહેરવા પડશે. રિપોર્ટ અનુસાર પત્નીમાં કોરોના ઇન્ફેક્શનનાં લક્ષણો દેખાયા પછી જ પતિએ તેની સ્થિતિ અંગે વાત કરી હતી. 

હોસ્પિટલ સામે ઉઠ્યા સવાલ 

અમેરિકામાં પહેલેથી જ હોસ્પિટલના વિઝિટર્સની સંખ્યા ઘટાડવામાં આવી છે અને કેટલાક લોકોને જ દર્દી સુધી જવા દેવામાં આવે છે પરંતુ પત્નીને સંક્રમિત થયાની ઘટના બાદ આ મામલે હવે હોસ્પિટલ સામે પણ કેટલાક સવાલો ઉઠી રહ્યા છે. 

પતિના શરીરમાં પણ જોવા મળ્યા કોરોનાના લક્ષણ 

હોસ્પિટલ સાથે જોડાયેલા એક અધિકારીએ કહ્યું કે, બાળક જનમ્યાના ગણતરીના કલાકમાં જ માતાને કોરોના હોવાના લક્ષણો દેખાવા લાગ્યા હતા. આ દરમિયાન પતિએ પણ સ્વીકાર્યું કે તેના શરીરમાં પણ કોરોનાના કેટલાક લક્ષણો છે.  

વિશ્વભરમાં કોરોનાનો કહેર 

આપને જણાવી દઇએ કે, અમેરિકા સહિત દુનિયાભરમાં કોરોનાનો ચેપ ખૂબ જ ઝડપથી પ્રસરી રહ્યો છે. અત્યાર સુધીમાં દુનિયામાં 8 લાખથી વધુ લોકોને કોરોનાને ચેપ લાગ્યો છે તો 43000થી વધુ લોકોના મોત નિપજ્યા છે.